ကျေးဇူးတော်ရှင် - အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
အမရပူမြို့ မင်္ဂလာတိုက်၌ ဟောကြားတော်မူသော
“နိဗ္ဗာန်၏ အနှစ်သာရ”
( ၇၊ ၉၊ ၁၉၆၂ )
ပိဋကတ်သုံးပုံပါဠိတောတွေ ၄၅ - ၀ါကာလပတ်လုံး ဟိုနေရာဟော၊ ဒီနေရာဟော ဟောပါတယ် ။ ဟောပင်ဟောငြားသော်လဲ ပိဋိကတ်သုံးပုံကို ချုံ့ လိုက်တဲ့အခါကျတော့ ဦးကျော်မောင်တို့၊ ဦးမြမောင်တို့ ၊ ဦးဘသန်းတို့ ၊ ( မှန်ပါ့ ) ၊ လက္ခဏာရေးသုံးပါးပဲရှိတယ် …( မှန်ပါ့ ) ။
ပိဋကတ်သုံးပုံချုံ့ ပါ၊ ကိုယ်တော်မြတ်ကြီး ၄၅ - ၀ါ ကာလပတ်လုံးဟောတာလဲဒါပဲ၊ ချုံ့ လိုက်တဲ့အခါ ကျတော့ လက္ခဏာရေးသုံးပါးပဲရှိတယ် ( မှန်ပါ့ ) ။
ဒါဖြင့် ပိဋကတ်သုံးပုံကို ဆရာတော်တွေ၊ သမားတော်တွေ သင်ပြီးသကာလ နေကြတာ ဘယ်အကျိုးငှာတုံးလို့ သွားပြီးလျှောက်လို့ရှိရင် လက္ခဏာရေးသုံးပါးသိချင်လို့ ဆိုရင်မှန်တယ်၊ ရိပ်မိပြီလား … ( ရိပ်မိပါပြီ ) ။
ဒါဖြင့် လက္ခဏာရေးသုံးပါးသာ အရေးကြီးတယ်ဆိုတဲ့ ဥစ္စာ ဦးမြမောင်တို့ မှတ်ထားပေါ့၊ ( မှန်ပါ့ ) ။ ပိဋကတ်သုံးပုံမှာ အကျဉ်းချုံးလိုက်တော့ ဘာရှိသတုန်း ( လက္ခဏာရေးသုံးပါးပဲရှိတယ် ) ။
ဘာဟောဟောရုပ်နှစ်ဆယ့်ရှစ်ခုဟောလဲ တော်တော်ကြာဖြစ်ပျက်အနိစ္စ၊ ဒုက္ခ၊ အနတ္တပဲ လာတာပါ ပဲ ( မှန်ပါ့ ) ၊ နာမ်ငါးဆယ့်သုံးခုကို ဟောလိုက်လို့ရှိရင်လဲ နာမ်ငါးဆယ့်သုံး ချုံးလိုက်တဲ့အခါကျတော့ အနိစ္စ၊ ဒုက္ခ၊ အနတ္တ ပဲ ( မှန်ပါ့ ) ဒါပဲရှိတယ် ( မှန်ပါ့ ) ။
အဲဒီတော့ ပိဋကတ်သုံးပုံကို ချုံးလိုက်လို့ရှိရင်ဖြင့် လက္ခဏာရေးသုံးပါးရှိတယ်လို့မှတ်ပါ ( မှန်လှပါ ) ၊ ပေါ်ကြပလား ( ပေါ်ပါပြီ ) ။
အဲဒီလက္ခဏာရေးသုံးပါးကို ချုံးလိုက်လို့ရှိရင်ဖြင့် အနိစ္စ၊ ဒုက္ခ၊ အနတ္တချုံးလိုက်လို့ရှိရင်ဖြင့် ဥဒယဗ္ဗယပဲ ရှိတယ်၊ ဖြစ်ပျက်ထဲ ပြန်ဝင်တယ် ( မှန်လှပါ ) ။
လက္ခဏာရေးသုံးပါးချုံးလိုက်တဲ့အခါကျတော့ ဥဒယဗ္ဗယပဲ ပြန်ဝင်တယ်၊ မြန်မာလိုသုံးတဲ့အခါကျ တော့ ဖြစ်ပျက်ထဲသွားဝင်တယ် ၊ ( မှန်လှပါ ) ။
ဖြစ်ပျက်လို့ တစ်ခါချုံးနိုင်သ၍ ချုံးတဲ့အခါကျရင်ဖြင့် ဒုက္ခသစ္စာပဲရှိတယ်လို့ မှတ်လိုက်ပါတော့ ( မှန်လှပါ ) ။
ဒါဖြင့် ခင်ဗျားတို့က သစ္စာဘယ်နှစ်ပါး လေးပါးတောင် ကိုးလို့ဆိုရင် အို… လေးပါးရှိပေမယ့် သမုဒယသစ္စာလဲ ဖြစ်ပျက်ပဲ ( မှန်လှပါ ) ၊ မဂ္ဂသစ္စာလဲ ဖြစ်ပျက်ပဲ ( မှန်လှပါ ) ၊ ချုံးလိုက်တော့ ဒုက္ခသစ္စာကြီးပဲ ၊ ( မှန်လှပါ ) ။
အဲ… ဒုက္ခသစ္စာလို့ ခင်ဗျားတို့ အဆုံးသတ်လို့ရှိရင် နိရောဓသစ္စာဝင်သွားတယ် ( မှန်လှပါ ) ။
ကဲ ဒါဖြင့် - ခဏပြန်ပြီးရှင်းကြဦးစို့ဆိုတော့ ပိဋကတ်သုံးပုံ ချုံးလိုက်လို့ရှိရင် လက္ခဏာရေးသုံးပါးရှိ တယ်၊ လက္ခဏာရေးသုံးပါး ချုံးလိုက်လို့ရှိရင်ဖြင့် ဥဒယဗ္ဗယပဲရှိတယ်၊ ( မှန်ပါ့ )။ ဥဒယဗ္ဗယဟာ ချုံးနိုင်သ လောက်ချုံးလိုက်လို့ရှိရင် ဥဒယဗ္ဗယဆိုတာ ဘာတုံးဆိုတော့ ဒုက္ခသစ္စာပဲ ( မှန်လှပါ ) ။ ဒုက္ခသစ္စာထဲဝင် သွားတယ် ( မှန်လှပါ ) ။ သမုဒယသစ္စာကောဆိုတော့ အို - သမုဒယ သစ္စာလေးပါဆိုတာ ဖြစ်ပျက်ချည်းပဲ ( မှန်လှပါ ) ။
အဲဒီတော့ ဒုက္ခသစ္စာကို ဦးကျော်မောင်တို့ ၊ ဦးမြမောင်တို့ ဆုံးအောင်လိုက်ကြမယ်ဆိုလို့ရှိရင် နိရောဓ သစ္စာဆိုတာ တွေ့မှာပဲ ၊ ( မှန်လှပါ ) ။
အဲဒီတော့ကို ၄၅ - ၀ါ ကာလပတ်လုံး ဟောကြားတောမူတာ သတ္တုချလိုက်တဲ့အခါကျတော့ ဘုန်းကြီးတို့ဟောနေတဲ့ ဥဒယဗ္ဗယကိုသာ အားထုတ်ကြပေါ့ ( မှန်ပါ့ ) ဖြစ်ပျက်အဆုံးမှာ ဖြစ်ပျက်မရှိတဲ့ နိဗ္ဗာန် တွေ့လိမ့်မယ် ( မှန်လှပါ ) ။
ဖြစ်ပျက်နဲ့ ဥာဏ်လမ်းလျှောက်သွား ဖြစ်ပျက်နဲ့ ဥာဏ်လမ်းလျှောက်သွားလို့ရှိရင်ဖြင့် ဖြစ်ပျက်အဆုံး မှာ ဖြစ်ပျက်မရှိတဲ့ နိရောဓဖြစ်သွားတာ တွေ့မယ် ( မှန်ပါ့ ) ။
အဲဒီတော့ အခုနိဗ္ဗာန်မတွေ့သေးပါကလား ဆိုရင်တို့ဖြစ်ပျက်မဆုံးသေးဘဲ ခင်ဗျားတို့က လိုက်နေ တာ မဟုတ်ဘူးလား ( ဟုတ်ပါတယ် )၊ ဖြစ်ပျက်ဆုံးသွားတဲ့အခါကျရင်ဖြင့် ဖျတ်ဆိုချုပ်သွားကြောင်းပါလား၊ ဖြစ်ဒုက္ခလဲမရှိဘူးဆိုတဲ့ နိရောဓဟာတန်ပေါ်မှာပဲ ( မှန်လှပါ ) ။
ကဲ… ပိဋကတ်သုံးပုံချုံးလိုက်ရင် လက္ခဏာရေးသုံးပါး လက္ခဏာရေးသုံးပါးချူံးလို့ရှိရင် ဥဒယဗ္ဗယ၊ ဥဒယဗ္ဗကို ပေါင်းခေါ်လိုက်လို့ရှိရင် ဒုက္ခသစ္စာ ( မှန်ပါ့ ) ၊ ဥဒယဗ္ဗယဆိုတာဒုက္ခသစ္စာပဲ ( မှန်ပါ့ ) ၊ အဲဒီဒုက္ခသစ္စာကို ဆုံးအောင်လိုက်လို့ရှိရင် ဘာတွေ့မလဲ ( နိရောဓတွေ့ပါတယ် ) ၊အဲဒီတော့ ခင်ဗျားတို့ ဘုရားလဲ ပြားမနေနဲ့၊ ဆရာလဲ ပြားမနေနဲ့ ဒီလမ်းလိုက်လို့ရှိရင်ပြီးတာပဲ ( မှန်လှပါ ) ဘယ်သူမှ မတိမ်းနိုင်တဲ့ လမ်း ( မှန်လှပါ ) ၊ ဘယ်သူမှ မတိမ်းနိုင်တဲ့လမ်းလို့ သေသေချာချာမှတ်ပါ ( မှန်လှပါ ) ။
ကိုင်း - ဒီလမ်းလိုက်တော့မယ် ဆိုတော့ကို မျက်လုံးပြောင်းတပ်ပေးရမယ် ( မှန်လှပါ ) ဒကာ ဒကာမ တွေကို မျက်လုံးပြောင်းပြီးသကာလ တပ်ပေးရပါတယ် ၊ ( မှန်လှပါ ) မိဘရိုးရာမျက်လုံးကို ဖျက်ပစ်ပြီးသကာ လ မိဘရိုးရာ မျက်လုံးဆိုတာက စားဖို့၊ သောက်ဖို့၊ နေဖို့ ၊ ထိုင်ဖို့ ၊ သင်ထားတဲ့မျက်လုံး ( မှန်လှပါ ) နိဗ္ဗာန်ရောက်ဖို့ မျက်လုံး က မပါဘူး ( မှန်လှပါ ) ။
အဲဒီတော့ မိဘရိုးရာမျက်လုံးကို ဖယ်ပြီးသကာလ အရိယာမျက်လုံးတပ်ပေးရမယ် ( မှန်လှပါ ) ။
မိဘရိုးရာမျက်လုံးကို ဖယ်ပြီး ဘာမျက်လုံးတပ်ပေးရမယ် ( အရိယာမျက်လုံးတပ်ပေးရပါမယ် ) ။
အရိယာမျက်လုံး တပ်ပေးရမယ်ဆိုတော့ အရိယာမျက်လုံးတပ်တဲ့အခါကျတော့ကို အရိယာတို့၏ အမြင်ကိုမြင်လာမယ် ( မှန်လှပါ ) ။
အရိယာတို့၏ မျက်လုံးတပ်ပေးလိုက်လို့ရှိရင် ဘာအမြင်မြင်မယ်၊ ( အရိယာတို့ အမြင်ကိုမြင်လာ မှာပါဘုရား ) အရိယာတို့၏ အမြင်ကို မမြင်ပါနဲ့ဆိုလို့ ဦးဘသန်း ရသေးရဲ့ လား ( မရပါဘူး ) ။
အဲဒီတော့ အရိယာဆို ဘာတုံး… အရိယာဆိုတာ ဖြူစင်တာ ( မှန်ပါ့ ) အမြင်ဆိုတာက ဖြူဖြူစင်စင်
နဲ့ ဒီ့ပြင် ကိလေသာမရောဘဲနဲ့ မြင်တဲ့အမြင်ဟာ အရိယာတို့ ၏ အမြင် ( မှန်ပါ့ ) ။
အရိယာဆိုတာ ဖြူစင်တာ မြင်တာကတော့ မြင်တာပဲ ( မှန်ပါ့ ) ဖြူစင်တဲ့ အမြင်ဆိုတော့ ခင်ဗျားတို့ မြင်နေတာက တစ်ယောက်ကြည့်လိုက်ရင် အရုပ်ဆိုးတယ်၊ တစ်ယောက်ကြည့်လိုက်ရင် ချော့မွေ့တယ်၊ တစ်ယောက်ကြည့်လိုက်ရင်ဖြင့် ထော်လောကန့်လန့်ဖြစ်နေတာနဲ့ ဒါအရိယာတို့၏ အမြင်မဟုတ်ဘူး၊ အရိယာတို့၏ အမြင်ကတော့ ဒုက္ခသစ္စာပဲ မြင်တယ် ၊ ဒီ့ပြင်ဟာ မြင်ကို မမြင်ဘူး ( မှန်ပါ့ ) ။
ဒါကြောင့် အရိယာတို့မှာ ဘယ်အာရုံနဲ့တွေ့တွေ့ ဖုဋ္ဌဿလောကဓမ္မေဟိ၊ စိတ္တံ - ယဿ- အကြင် အရိယာပုဂ္ဂိုလ်အား စိတ္တံစိတ်သည် နကမ္ပတိ မတုန်လှုပ်ဘူးတဲ့ ( မှန်ပါ့ ) အရိယာအမြင်ဟာ ဘာနဲ့ တွေ့တွေ့ သရဲခြောက်လဲ မတုန်လှုပ်တဲ့ ( မှန်ပါ့ ) သရဲခြောက်လဲ မတုန်လှုပ်ဘူး၊ ချောချောမောမော အာရုံတွေနဲ့တွေ့ လဲ မတုန်လှုပ်ဘူး ( မှန်ပါ့ ) ။
လောကဓမ္မေဟိကိုးဗျ၊ လောကဓံတရားတွေနဲ့ တွေ့တဲ့ အခါကျတော့ တုန်လှုပ်သေးရဲ့ လား ( မလှုပ်ပါဘူး ) အသောကံ စိုးရိမ်ခြင်းလဲမရှိဘူးတဲ့ ( မှန်ပါ့ ) ။
ဟာ - ငါ့ကိုက်တော့မှာပဲ၊ ငါ့သတ်တော့မှာပဲလို့ စိုးရိမ်ခြင်းလဲမရှိဘူးတဲ့၊ အရိယာအမြင်ကို မြင်နေတယ်၊ ( မှန်ပါ ) ၀ိရဇံတဲ့ ခင်ခြင်း၊ မင်ခြင်း၊ တွယ်တာခြင်းလဲမရှိဘူးတဲ့၊ ရာဂကင်းတယ် ( မှန်ပါ့ ) ။
အဲဒီတော့ ဆရာဘုန်းကြီးက ယနေ့ ဒီဒကာ ဒကာမတွေကို မိဘရိုးရာမျက်လုံးကို ပြင်ဘက်ကျမှသုံး ပါ၊ အလုပ်ခွင်မှာ ဖြင့် အရိယာမျက်လုံးသုံးပါ ( မှန်ပါ့ ) ဒီလိုဆိုတော့ လောကလဲမပယ် ၊ လောကနဲ့လဲ ကန့်လန့်မထားဘူး ( မှန်ပါ့ ) လောကကိုလဲ မပယ်ဘူး၊ လောကပယ်ပြန်လို့ရှိရင်လဲ အမေမရှိဘူး၊ အဖေမရှိ ဘူး ဆိုပြီး ထင်ရာလုပ်ရင် ပဉ္စနန္တရိယကံထိအောင် ထိုက်နိုင်တယ် ၊ ( မှန်ပါ့ ) ၊ လောကလဲ မပယ်ဘူး ( မှန်ပါ့ ) သူမပယ်ဘဲနဲ့လဲ သူ့ကိုယ်သူ တခြားအမြင်နဲ့ ထား ( မှန်ပါ့ ) လောကုတ္တရာကို လောကုတ္တရာအမြင်နဲ့ တခြားထားမှ ဦးမြမောင်တို့ ခရီးပေါက်မယ် ( မှန်ပါ့ )။ နို့မဟုတ်ရင် “ မာတာပိတုဂုဏော အနန္တော ” စသည် ဖြင့် ဘုရားဟောထားတာတွေ ပျက်ကုန်မှာပေါ့ ( မှန်ပါ့ ) ၊ အာစရိယဂုဏော အနန္တောမပျက်ဘူးလား ( ပျက်ပါတယ် ) လောဟိတုပ္ပါဒကံဘုရားကို သွေးထွက်အောင်မလုပ်နဲ့ ( မှန်ပါ့ ) သံဃာသင်းမခွဲနဲ့ဆိုတာက လောကဟောတာတွေ ( မှန်ပါ့ ) ဒါနပြုတဲ့အခါကျတော့ ပုဂ္ဂိုလ်ရွေးလှူကြဟေ့ .. ဒါက လောကကိုငဲ့ဟော ထားတာ ( မှန်ပါ့ ) ။
အဲဒီတော့ လောကပယ်လိုက်ပြန်ရင်လဲ အယူမှားအလုပ်မှားပြီး အပယ်ကျသွားနိုင်တယ် ..( မှန်ပါ ) ။ လောကုတ္တရာထိပြန်လို့ရှိရင်လဲ နိဗ္ဗာန်မရောက်ဘူး ( မှန်ပါ ) ။
ကဲ … မျက်လုံးဟာ မပြင်ရသေးဘူးလား ပြင်ရမလား လောကမျက်လုံးလဲတပ်ပေးရမယ် ( မှန်ပါ ) ၊ လောက မျက်လုံးနဲ့ချည်း အချိန်ကုန်ပြန်ရင်လဲ သုဂတိလောက်ပဲ ခင်ဗျားတို့ ရောက်မယ် ( မှန်ပါ့ ) ၊ လောကုတ္တရာမျက်လုံးတပ်ပေးမှသာလျှင် ခင်ဗျားတို့ နိဗ္ဗာန်ရောက်မယ် ( မှန်ပါ )။
အဲဒါကြောင့် နိဗ္ဗာန်ရောက်တဲ့မျက်လုံးကို ယနေ့တော့ဖြင့်လောကမျက်လုံးလဲ မစွန့်ကြပါနဲ့၊ လောကုတ္တရာမျက်လုံးကိုလဲဆရာဘုန်းကြီးအလုပ်ခွင်မှာ ပြောင်းတပ်ပေးမယ်ဆိုတ မှတ်ရမယ်…(မှန်လှပါ)။
ဥပမာ - မယ် … စိတ်ကတစ်ခု ဒကာ ဒကာမတွေ သန္တာန်မှာ မြင်စိတ်ကလေးပေါ်တယ် ကြားစိတ် ကလေးပေါ်တယ်၊ အနိစ္စန္တိပဿတိ ပြောင်းတာ ကလေးဟာ စိတ်မဟုတ်ဘူးဟ စိတ်ဆိုရှိရင်ဖြင့် သမုတိသစ္စာနယ်က ဖြစ်နေတယ် ( မှန်ပါ ) ပရမတ္တတသစ္စာနယ်ကတော့ အနိစ္စန္တိပဿတိ - ဒါအနိစ္စပဲ …. ( မှန်ပါ ) ဖြစ်ပြီးပျက်တာကို ( မှန်ပါ ) ။
အဲဒီတော့ အနိစ္စလို့ခင်ဗျားတို့က မြင်အောင်ကြည့်လို့ရှိရင် သာဿဟောတိ သမ္မာဒိဋ္ဌိ တဲ့ ဒါအရိယာ မျက်လုံးတပ်ပေးလိုက်တာပဲ…( မှန်ပါ ) ။
ပေါ်လာတဲ့ ဓမ္မကလေးကို ဖြစ်ပျက်မှုမြင်အောင် ဦးကျော်မောင်ကြည်၊ ဦးစံဖေကြည်၊ ဦးဘသန်းကြည်၊ ဦးမြမောင်ကြည်၊ ဟိုနောက်က ဒကာတွေ ၊ ညောင်လေးပင်က ဒကာမကြီးတွေ၊ ဟင်္သာတ က ဒကာမကြီးတွေပါလို့ ဘုန်းကြီးက ဟောလိုက်တဲ့အခါကျတော့ ကြည့်လိုက်သည်နှင့် တစ်ပြိုင်နက်တည်း မြင်လိုက်လို့ ငါ အရိယာမျက်လုံးရပြီလို့ အောက်မေ့ ( မှန်ပါ ) ။
သာဿဟောတိ သမ္မာဒိဋ္ဌိ ၊ အယံ ဤအနိစ္စဟု မြင်ခြင်းသည် သမ္မာဒိဋ္ဌိမျက်လုံးပဲကွတဲ့ ( မှန်ပါ ) ။ ဒီတော့ သမ္မာဒိဋ္ဌိ မျက်လုံးတပ်ပေးလိုက်တဲ့အခါကျလို့ရှိရင်ဖြင့် အလုပ်ခွင်မှာဖြင့် သမ္မာဒိဋ္ဌိ မျက်လုံးနဲ့ ဒကာ ဒကာမတွေ အကုန်ကြည့်ပါ……( မှန်ပါဘုရား ) သမ္မာဒိဋ္ဌိမျက်လုံးနဲ့ကြည့်ပါလို့ဆိုတာ ကောင်းကောင်း သတိပေးလိုက်ပါတယ် …( မှန်ပါ့ ) ။
အဲဒိလိုကြည်တော့ဘုရား… တပည့်တော်တို့ ဘယ်စိတ်ကြည့်လိုက်ကြည့်လိုက် ကိုယ့်စိတ်ကိုယ် ကြည့်လိုက်တဲ့ အခါကျတော့ သာဿဟောတိ သမ္မဒိဋ္ဌိ၊ ထိုအမြင်သည် သမ္မာဒိဋ္ဌိပဲလို့ ဘုရားကဟောတော့ ဟောတယ်၊ သဠာယတန ၀ဂ္ဂသံယုတ် ပါဠိတော်မှာ ဒီမြင်လိုက်တဲ့ - အခါကျတော့ သမ္မာဒိဋ္ဌိတော့ဖြစ်ပြီ ဘုရားဆိုတော့ သြော် .. သမ္မာက မှန်ကန်တာ၊ ဒိဋ္ဌိက မြင်တာ ၊ အခုမှ အမှန်အမြင်ရောက်တာကိုး ( မှန်ပါ ) ။ အနိစ္စဖြစ်မှ အမှန်အမြင်ရောက်တယ် ( မှန်ပါ ) ။
အနိစ္စမြင်မှ .. ( အမှန်အမြင်ရောက်ပါတယ် ) အမှန်အမြင်ရောက်လာတယ်ဆိုတော့ ဆရာဘုန်းကြီး ဒီဥစ္စာတို့ကို ဘာမျက်လုံးတပ်ပေးလိုက်ပါလိမ့်မတုံးလို့ မေးတဲ့အခါ ဖြူစင်တဲ့ မျက်လုံးတပ်ပေးတာ ( မှန်ပါ ) ၊ ကိလေသာတိမ်သလ္လာမြူတွေ မသန်းဘဲနဲ့ မြင်တဲ့အမြင်ဟာ အရိယာအမြင် ဖြူစင်တဲ့ အမြင်လို့ မှတ်လိုက် ( မှန်ပါ ) ၊ အဲဒါ သမ္မာဒိဋ္ဌိပဲ ( မှန်ပါ ) ။
ဒါဖြင့် စိတ္တံအနိစ္စန္တိပဿတိ၊ သာဿဟောတိ သမ္မာဒိဋ္ဌိ၊ မနံ - မိမိစိတ်ကို၊ အနိစ္စန္တိ - အနိစ္စဟူ၍၊ ပဿတိ - မြင်၏ ၊ ထိုအမြင်သည် သမ္မာဒိဋ္ဌိအမြင်ဆိုတော့ ၂ - နံပါတ်ထဲမှာပါတဲ့ စိတ်ကို အလယ်ကနေဖြစ်ပြီး သကာလ ၃ - နံပါတ်မကူးဘဲနဲ့ ၃ - နံပါတ်အကူးမခံဘဲနဲ့ သဠာယတနထဲမှာပါတဲ့ စိတ်ကြည့်လိုက်လို့ရှိရင် သမ္မာဒိဋ္ဌိဖြစ်သွားတာပဲ ၊ ( မှန်ပါ ) ။
ဒီဘက်ကူးလို့ရှိရင် မိစ္ဆာဒိဋ္ဌိဖြစ်တော့မယ် ( မှန်ပါ့ ) ၊ ၃ - နံပါတ်ကူးရင် မိစ္ဆဒိဋ္ဌိဖြစ်တော့မယ် ( မှန်ပါ့ )၊ ၃ - မကူးဘဲနဲ့၊ ဒီကနေပြီးကြည့်နေလို့ရှိရင် သမ္မာဒိဋ္ဌိ ဖြစ်တော့မယ် ( မှန်ပါ့ ) ၃ - မကူးဘဲနဲ့၊ ဒီကနေပြီး ကြည့် နေလို့ရှိရင် သမ္မာဒိဋ္ဌိဖြစ်တော့၍ သြော် - သမ္မာဒိဋ္ဌိဆိုတဲ့ဥစ္စာသည်ကားလို့ဆိုရင် ဖြူစင်တဲ့ အမြင်ဆိုတာ ကြောင့် မဖြူစင်တဲ့ အမြင်ဆိုတဲ့ ဒိဋ္ဌိ၊ ဒိဋ္ဌုပါဒါန် ပြုတ်ထွက်သွားတယ် ( မှန်ပါ ) ဒီထဲမှာတော့ တဏှာဥပါဒါန် လို့ရေးထားတယ် ( မှန်ပါ့ ) ဒိဋ္ဌိ ၊ ဒိဋ္ဌုပါဒါန်လို့လဲမှတ်လိုက်ပါဦး ( မှန်ပါ ) ပေါ်ကြပြီလား …( ပေါ်ပါပြီဘုရား ) ။
ဒိဋ္ဌိ၊ ဒိဋ္ဌုပါဒါန်လို့လဲမှတ်လိုက်ပါအုံး ( မှန်ပါ ) တဏှာနဲ့ ဒိဋ္ဌိကရောနေလို့ တဏှာပြဋ္ဌာန်းလို့ တဏှာ ဥပါဒါန်လို့ ဟောတော်မူတာ ( မှန်ပါ ) စင်စစ်တော့ ဒိဋ္ဌိ ဒိဋ္ဌုပါဒါန်လဲ ဟုတ်ပါတယ်လို့လဲ မှတ်ရမယ်နော် …( မှန်လှပါဘုရား ) ။
နို့မဟုတ်လို့ရှိရင် သောတာပန်တွင် ဘယ်မှာနေတော့မတုံး၊ တဏှာသတ်တယ် ဆိုကတည်းက သကဒါဂါမ်၊ အနာဂါမ်၊ ရဟန္တာဖြစ်သွားမှာပေါ့ - နော် ….( မှန်လှပါဘုရား ) အခုဟာက သောတာပန်မတည် သေးတဲ့ ပုဂ္ဂိုလ်တွေကို သောတာပန်တည်အောင် ဟောရတဲ့အတွက် ဒိဋ္ဌိ၊ ဒိဋ္ဌုပါဒါန်၊ ဒိဋ္ဌိအုပ်ချုပ်တဲ့ကံလို့ သာမှတ်လိုက် ( မှန်ပါ ) ရှင်းပြီလား ( ရှင်းပါပြီ ) ။
ကောင်းပြီ ၊ ဒီပဋိစ္စသပမုပ္ပာဒ်ဟာ အခုဟာက သောတာပန် ပဋိစ္စသမုပ္ပာဒ်ကိုဟောနေတယ်၊ ( မှန်လှပါ ) သကဒါဂါမ်၊ အနာဂါမ် ပဋိစ္စသမုပ္ပာဒ် မဟောရသေးဘူး ( မှန်လှပါ ) နောက်မှ ဟောမယ် …( မှန်လှပါ ) ။
ကဲ .. ဒါဖြင့် သဠာယတနထဲမှာရှိတဲ့စိတ်ကို မနာယတနဆိုတဲ့စိတ်ကို ဦးမြမောင်တို့ သိချင်တဲ့အခါ ကျတော့ မောင်သစ်တို့ ကုသိုလ်လုပ်ထားတဲ့ စာရွက်ကလေးကြည့်လိုက်တော့ ဆယ့်နှစ်မျိုးပါနေတယ် ( မှန် လှပါ ) အဲဒါ မနာယတနချည့်ပဲ ( မှန်ပါ )။
စက္ခုသောတဃာန ဇိဝှာကာယမန၊ မနကိုခွဲလိုက်တဲ့ အခါ ကျတော့ ဆယ့်နှစ်မျိုး သွားတွေ့လိမ့်မယ်၊ ( မှန်ပါ ) ဆယ့်နှစ်မျိုးသွားတွေ့တဲ့အခါကျလို့ရှိရင် လာတိုင်း လာတိုင်းဒီဆယ့်နှစ်မျိုးလာချင်တာကလာ အနိစ္စ လို့ ခင်ဗျားတို့မြင်နေလို့ရှိရင် ဖြူစင်တဲ့ မျက်လုံးနဲ့ မြင်တယ် ( မှန်ပါ ) ဒါ အရိယာမျက်လုံးတပ်ပေးလိုက်ပါ တယ် ( မှန်ပါ ) ဦးကျော်မောင် ရှင်းပြီလား …( ရှင်းပါပြီ ) ။
အဲဒီအရိယာမျက်လုံးတပ်ပေးလိုက်သည်နဲ့ တစ်ပြိုင်နက်တည်း သမ္မာပဿံတဲ့၊ အဲဒီကဲ့သို့ ကောင်းစွာမြင်လို့ရှိရင် ကွာတဲ့ အနိစ္စမြင်လို့ရှိရင် ( ၀ါ ) ဖြစ်ပျက်မြင်လို့ရှိရင် သမ္မာပဿံနိဗ္ဗိန္ဒတိ။ ငြီးငွေ့ခြင်း ဖြစ်လာတာပါပဲ၊ ဘယ်နည်းနဲ့မှ အမှန်မြင်တဲ့ပုဂ္ဂိုလ်မငြီးငွေ့ဘဲ မနေနိုင်ဘူးတဲ့ ( မှန်ပါ ) ဒီနေရာမှာပဲ ငြီးငွေ့မှာ ပဲ ( မှန်ပါ )။
ဒီနေရာမှာ ခုနင်က အမှန်မြင်ခဲ့တယ် မဟုတ်လား ( မှန်ပါ ) ဒီနေရာမှာပဲ ငြီးငွေ့မယ်၊ ဒီနေရာမှာပဲ ၀ိရဇ္ဇတိတပ်ခြင်းကင်းတာလဲ ဒီနေရာမှာပဲ လာမှာပဲတဲ့၊ ဒီဘက်ကို ကူးသေးရဲ့ လား ( မကူးပါဘူး ) ။ ၃ - နံပါတ်ကို မကူးတော့လို့ ဒီဒကာ ဒကာမတွေ ဘာဖြစ်မလဲလို့ မေးတဲ့အခါကျလို့ရှိရင် မကူးတဲ့ အချိန်ကစပြီး၊ ဒီနေရာမှာ မဂ္ဂင်ရှစ်ပါးပြည့်သွားလို့ရှိရင် ဒါသောတာပန်တည် တာပဲ..( မှန်ပါ ) ။
သောတာပန်သည် ဒိဋ္ဌိ - ဒိဋ္ဌုပါဒါန်၊ ဒိဋ္ဌိအုပ်ချုပ်တဲ့ကံ ဒီသုံးခုသေသွားပြီ ၊ ဒိဋ္ဌိ ၊ ဒိဋ္ဌု ပါဒါန် ၊ ဒိဋ္ဌိအုပ်ချုပ်တဲ့ကံ၊ အပါယ်ဇာတိ - အပါယ်ဇရာ ၊ အပါယ်မရဏတော့ဖြင့် နှစ်ကွက်စလုံးပြုတ်သွားပြီ ( မှန်ပါ့ )၊ ၃ - လဲပြုတ်၊ ၄ - လဲပြုတ်တာပဲ ( မှန်လှပါ ) ၃ ရော ၊ ၄ ရော ပြုတ်ငြားသော်လည်း တဏှာဥပါဒါန်ကံ၊ သုဂတိ ဇာတိ သုဂတိဇရာမရဏ ကျန်သေးတယ် ၊ မကျန်ဘူးလား ( မှန်ပါတယ် ) သောတာပန် ဟာ အပါယ်ဇာတိ အပါယ်ဇရာ မရဏ တင် အကုန်သွားတာ ( မှန်ပါ ) ။
မဂ္ဂင်ငါးပါးမဖြစ်ဘူးလား ( ဖြစ်ပါတယ် ) ၊ ဘာဖြစ်လို့တုန်း ဆိုတော့ သမ္မာဒိဋ္ဌိကမျက်လုံးနဲ့ တူတယ်၊ သမ္မာသင်္ကပ္ပက မျက်လုံး မွဲတဲ့ပုဂ္ဂိုလ် အမှန်အကန် အကြီးအသေးမြင်ဖို့ဆိုတာ သမ္မာသင်္ကပ္ပ မျက်မှန်အကူ အညီ ရမှသာလျှင် ဟိုအနိစ္စကို သွားမြင်တယ်၊ ( မှန်ပါ့ ) ဒါဖြင့် သမ္မာဒိဋ္ဌိနဲ့ သမ္မာသင်္ကပ္ပဟာ ခွဲလို့ရပါ့မလား … ( မရပါဘူး ) ။
ဒါကြောင့် ခင်ဗျားတို့ ဖြစ်ပျက်မြင်တဲ့ ဒကာ ဒကာမတွေသည်မဂ္ဂင်နှစ်ပါး သေချာတယ်၊ ပညာမဂ္ဂင် နှစ်ပါးသေချာတယ်၊ ရှင်းပြီနော် …( ရှင်းပါပြီ ) ။
ပညာမဂ္ဂင်ဟာ ဘယ်လိုပဲ ပညာရှိနေပေမယ့်လဲကွာ ပညာမဂ္ဂင်နှစ်ပါးသူတို့ချည်း စွမ်းနိုင်သလားလို့ ဒီအနိစ္စမြင်တဲ့ဥာဏ် သူတို့ချည်းစွမ်းနိုင်သလားမေးတဲ့အခါကျတော့ သမ္မာသတိတဲ့၊ သမ္မာသတိကလဲ ပေါ်လာတဲ့တရားကို ဟိုမှာပေါ်တယ်၊ ဟိုမှာပေါ်တယ်ဆိုတာ သူတို့နှစ်ခုကို သတိပေးမှ ဟိုနှစ်ခုက အမှန်မြင်တယ် ( မှန်ပါ ) အဲဒီတော့ သတိကကော ကင်းလို့ရပါ့မလား …( မရပါဘူး ) ။
သမာဓိကလဲ တစ်ခါတည်း စူးစူးစိုက်စိုက်ဖြစ်အောင် ပညာခေါင်းကို နှိပ်ထားရတယ်၊ ပညာခေါင်းကို နှိပ်ပြီးသကာလ မင်းဘယ်မှမရွေ့ နဲ့ ( မှန်ပါ ) ဒီလိုနှိပ်ထားတဲ့ တရားလဲပါလို့ သမ္မာဒိဋ္ဌိတို့ သမ္မသင်္ကပ္ပတို့က ခင်ဗျားတို့ဖြစ်ပျက်ကိုမြင်တာပါ၊ ( မှန်ပါ ) အဲဒီတော့ သမ္မာသမာဓိမပါဘဲနဲ့တော့ ပြီးပါ့မလား ( မပြီးပါဘုရား )။
မပြီးတော့ မင်းတို့ သတိတို၊ သမာဓိတို့ ဘယ်လိုပင် ပေးငြားသော်လည်း ငါတည်းဟူသော ၀ီရိယက ဒီနေရာမှာ အားကုန်မတိုက်တွန်းလိုက်လို့ရှိရင် မင်းတို့ကို တွန်းမပေးလို့ရှိရင် မင်းတို့ အနိစ္စရှိရာရောက် အောင် မသွားနိုင်ဘူးတဲ့၊ ၀ီရိယက တွန်းပေးရတယ် ( မှန်ပါ့ ) ။
ဝီရိယကတွန်းပေးတော့မှ ခုနင်က သတိရော၊ သမာဓိရော၊ သမ္မာင်္သပ္ပရော ၀ီရိယက တွန်းပေးလိုက်တဲ့ အခါကျမှ အနိစ္စရှိရာရောက်အောင် သွားတယ် ( မှန်ပါ့ ) နို့မဟုတ်ရင် ရောက်ပါ့မလား …. ( မရောက်ပါဘုရား ) ။
ဒီတော့ သြော်…ငါတို့ဖြစ်ပျက်တစ်ချက်မြင်လိုက်ရင် မဂ္ဂင်ငါးပါးရပါကလား၊ မကင်းရာ မကင်းကြောင်း သူတို့ချင်း အကြောင်းအကျိုးဆက်နေတယ်၊ ( မှန်ပါ ) ငါးပါးစလုံးစုံမှ ဖြစ်ပျက်မြင်တာ ( မှန်ပါ ) ရှင်းပြီလား …( ရှင်းပါပြီ ) ။
ငါးပါးစလုံးစုံမှ ဖြစ်ပျက်ကို မြင်တော့ ဖြစ်ပျက်ဆိုတာ ဘာတုံးဆိုတော့ ဧကစိတ္တသမာယုတ္တာ စိတ် တစ်ခုနဲ့အသက်ရှင်နေတာ စိတ်အခုသေသွားတော့ - ဦးမြအောင် အသေကို ဦးမြအောင် မဂ္ဂင်က မြင်တာ … ( မှန်ပါ ) ။
ကိုယ်အသေကို …( ကိုယ့်မဂ္ဂင်ကမြင်တာပါဘုရားး ) ။
ကိုယ့်မဂ္ဂင်ကမြင်တော့ သြော်… ကိုယ်အသေ ကိုယ်မြင်အောင် မနည်းကြိုးစားရတယ် ( မှန်ပါ )၊ သူများအသေတော့ ခင်ဗျားတို့ အသုဘပို့ဖူးလှပါပြီ၊ ကိုယ့်အသေကျတော့ မပို့ဖူးသေးဘူး၊ ( မှန်ပါ့ )၊ခွကျလိက်တဲ့ ဖြစ်ခြင်းမှ…( မှန်ပါ့ )။
ကိုယ့်အသေကတော့ ခဏခဏသေနေတာ၊ အဲဒါကျတော့ မျက်ရည်လဲမကျဘူး၊ ဥာဏ်ကလဲမမြင် ဘူးဆိုတော့ ဒါနဂိုတုံးက အရိယာမျက်လုံးမတပ်ခင်တုန်းက ကိုယ့်အသေကိုယ်မမြင်ကြဘူး၊( မှန်ပါ ) အခု အရိယာမျက်လုံးတပ်ပြီး ပေးလိုက်တဲ့အခါကျတော့ မောင်သစ်တို့၊ မောင်ချစ်စိန်တို့ ကိုယ့်အသေကိုယ်မြင် လာတယ်…( မှန်ပါ့ ) ။
ကိုယ့်အသေကလဲ သေးငယ်လိုက်တဲ့ ဖြစ်ခြင်းမှ မပြောပါနဲ့တော့ စိတ်ဆိုတာ ပမာဏပြလို့မရဘူး၊ စိတ်ကတော့ရှိတယ် ( မှန်ပါ့ ) ၊ ပမာဏအရွယ် ဘယ်လောက်တုန်းလို့ မေးတဲ့အခါကျတော့ ပြောပြလောက် အောင် အရွယ်မရှိဘူး ( မှန်ပါ့ )၊ အာရုံပြုတာလဲသူပဲ ( မှန်ပါ ) ။
အဲဒါ လောက် သေးငယ်တာကို ခင်ဗျားတို့က မဂ္ဂင်ငါးပါးနဲ့ ပေါင်းဆုံပြီး၊ အကြောင်းအကျိုးမဂ္ဂင်ငါးပါး စေ့ပြီးကြည့်လိုက်တဲ့အခါကျတော့ မရှိဘူးဆိုတာသိတယ် ( မှန်ပါ့ ) ၊ ရှိရာက မရှိဘူးဆိုတာကို ခင်ဗျားတို့သိ တယ် ( မှန်ပါ ) ၊ သဘောကျပြီလား ( ကျပါပြီ ) ရှိရာကမရှိတာကို သိခြင်းသည် ဒါဟာ အရိယာတို့၏ အမြင်ပဲ ( မှန်ပါ ) ၊ အရိယာတို့၏ အမြင်ဆိုတဲ့ ဥစ္စာသည် ဖြူစင်တဲ့ အမြင် ( မှန်ပါ )၊ မှန်ကန်တဲ့အမြင်၊ ဖြူစင်တဲ့ အမြင်ဆိုတာ အရိယာတို့၏ အမြင်၊ ( မှန်ပါ့ ) ။
အဲဒါကြောင့် ခင်ဗျားတို့ ဒီအမြင်ရတယ်ဆိုကတည်းက သြော် … တစ်သံသရာလုံးဟာ သူများမသာ သာမြင်ဖူးတယ် ကိုယ့်မသာမမြင်ဖူးဘူး၊ ( မှန်လှပါ )။ အခုဝိပဿနာလုပ်လိုက်တဲ့ အခါကျတော့ ဘာမြင်သတုံးလို့ မေးတဲ့အခါကျတော့.. ဘာမြင်သတုံးလို့ မေးတဲ့အခါကျတော့ ဦးမြအောင် ဖြေတတ်သ လား…( ဖြေတတ်ပါပြီဘုရား ) ၊ ဘာတုံး …( ကိုယ့်မသာကိုယ်မြင်ပါတယ်ဘုရား ) ။
ကိုယ့်မသာကိုယ်မြင်တယ်ဆိုတော့ ကိုယ့်အသေကိုယ် မြင်တယ်၊ ကိုယ့်အသုဘ ကိုယ်မြင်တယ်၊ မဟုတ်ဘူးလား..( မှန်လှပါ ) ၊ ကိုယ့်အနိစ္စကိုယ်မြင်တယ်၊ကိုယ့်ဒုက္ခကိုယ်မြင်တယ်၊ ကိုယ့်အနတ္တကိုယ်မြင် တယ်၊ ကိုယ်မြင်တယ်ဆိုကတည်းကိုက ဒီဥစ္စာ အရိယာမျက်လုံးနဲ့မြင်တာ…( မှန်ပါ ) ။
သမထတန်ခိုးကြောင့် ဗြဟ္မာကြီးတွေဟာ လူ့ပြည်မှာ အပ်ကျတာကို ဗြဟ္မာကြီးတွေ ဗြဟ္မာပြည်က နေပြီး ကြည့်တာကို မြင်တယ် ( မှန်ပါ )၊ ဒါပေမယ့် သူအနိစ္စမမြင်ဘူး၊ အရိယာမျက်လုံးမပါလို့ ( မှန်ပါ ) ။
တန်ခိုးမျက်လုံးနဲ့တော့ မြင်တယ်၊ လူ့ပြည်မှာ အပ်ကျတာမြင်တယ်၊ အရိယာမျက်လုံးမပါတော့ သူ့ခန္ဓာပျက်နေတာသူမမြင်ဘူး၊ ပုထုဇဉ်ဗြဟ္မာတွေဟာ ( မှန်ပါ )၊ ရိပ်မိပလား ( ရိပ်မိပါပြီ ) ။
အဲဒီတော့ ခင်ဗျားတို့မှာ အရိယာမျက်လုံးကို ဆရာ ဘုန်းကြီးက အခုတပ်ပေးလိုက်တော့ မြင်စိတ်က လေးပေါ်လာတာလဲ ကြည့်လိုက်တော့ မရှိဘူး၊ နံစိတ်ကလေးပေါ်လာတာလဲ ( မရှိတော့ပါဘူး )၊ မရှိဘူး၊ မရှိဘူးဆိုတဲ့ဥစ္စာကိုသိတာ မဂ္ဂင်ငါးပါးနဲ့သိတယ် ( မှန်ပါ ) မဂ္ဂင်ငါးပါးသည် အရိယာသာဝက တို့၏ မျက်လုံး သွားဖြစ်တယ် ( မှန်ပါ ) ၊ ရှင်းပြီလား … ( ရှင်းပါပြီ ) ။
အဲဒီတော့ ဒီအမြင် ရင့်သန်လာတဲ့အခါ သာဿဟောတိ သမ္မာဒိဋ္ဌိ သမ္မာပဿံနိဗ္ဗိန္ဒတိ။ သမ္မာ - ကောင်းစွာ ။ ပဿံ - မြင့်သည်ရှိသော်။ နိဗ္ဗိန္ဒတိကို ဒီအသေကြီး ခဏခဏသေတာကိုယ့်အသေကိုယ်မြင် လေလေ မုန်းလေလေပဲ ( မှန်ပါ ) ။
နိဗ္ဗိန္ဒဥာဏ် နိဗ္ဗိန္ဒဥာဏ်ဆိုတဲ့ ဥစ္စာက ဦးမြအောင်တို့က တခြားမှတ်နေတယ်။ ကိုယ့်အသေကိုယ် မုန်းတာကို ဆိုတယ် ( မှန်လှပါ ) ။
ကိုယ့်အသေကို ..( ကိုယ်မြင်တာ နိဗ္ဗိန္ဒဥာဏ်ပါ ဘုရား ) ကိုယ့်အသေကိုယ် မုန်းတာကို ဆိုတာပဲ ။
တော်တော်ကြာကျတော့ ကိုယ့်အသေကို ကိုယ်မုန်းပြီး သကာလ ဒီအသေမျိုးဖြင့် မလိုချင်ပါဘူး ဆိုတဲ့ အခါကျလို့ဆိုရင် အသေတွေပျောက်သွားလိမ့်မယ် ( မှန်ပါ )၊ မလိုချင်တဲ့ ဥာဏ်ချုပ်ရင် အသေပျောက် တယ် ( မှန်ပါ )၊ မလိုချင်လို့ ဒိဋ္ဌိအစွဲအလန်းတွေပြုတ်ထွက်သွားလို့ရှိရင်ဖြင့် အသေကိုပျောက်ကွယ်သွား မယ် …( မှန်ပါ ) ။
အသေပျောက်ကွယ်သွားတော့ ခင်ဗျားတို့က ရှုရင်းမတ္တနဲ့ … အခုဒီတော့ မရောက်သေးပါဘူးပေါ့ ဗျာ၊ ရောက်အောင်သင်နေတာ ( မှန်ပါ )၊ ဒီအသေတွေ ပျောက်ကွယ်သွားတဲ့အခါကျတော့ သြော်.. အသေမရှိတဲ့နေရာလဲ ရှိသေးသကိုးလို့ နဂိုက အသေတွေမြင်နေတဲ့မျက်လုံးက အသေမရှိတဲ့နေရာကို မြင်လာတယ် ( မှန်လှပါ ) ။ ဘာဖြစ်လို့ မြင်သတုံးဆိုတော့ အသေဟာဒီနေရာတွင်ပဲ ကွယ်ပျောက်သွားတယ် ( မှန်ပါ )၊ ရှုရင်းမတ္တနဲ့ ပျောက်ကွယ်သွားတယ် ( မှန်ပါ )၊ ခန္ဓာပါ ပျောက်ထွက်သွားတယ် ( မှန်လှပါ )၊ သဘောပါပြီလား ( ပါ , ပါပြီ )။
ခန္ဓာပါပျောက်ထွက်သွားတော့ ခန္ဓာရှိတုန်းက အသေချည့်ကိုဗျ၊ ( မှန်ပါ ) စိတ်ပျောက်သွားတော့ ရုပ်လဲပျောက်သွားတယ် ( မှန်ပါ )၊ စိတ်ပျောက်သွားတော့ စေတသိတ်လဲ ပျောက်တယ် ( မှန်ပါ )၊ စိတ်၊ စေတသိတ်၊ ရုပ် မောင်သစ်အကုန်ပျောက်တယ် …( မှန်ပါ )။
အဲဒီကဲ့သို့ ပျောက်သွားတဲ့ခါကျတော့ နဂိုတုံးက အသုဘ၊ အသုဘပျောက်တယ် (မှန်ပါ)၊ နဂိုတုံးက အသုဘ၊ အသုဘပျောက်တယ် ( မှန်ပါ ) ၊ နဂိုတုန်းက ဒုက္ခသစ္စာ အကုန်ပျောက်သွားတယ် ( မှန်ပါ ) ၊ နဂိုတုံးက ဒုက္ခသစ္စာအကုန်ပျောက်သွားတယ် ( မှန်ပါ ) ပျောက်သွားတဲ့အခါကျတော့ ဦးမြမောင်၊ ဦးကျော် မောင်တို့က သြော် အသေမရှိတဲ့နေရာလဲ ရှိသေးတာကိုးလို့ သိလာတဲ့အချိန်မှာ အဲဒါအရိယာမျက်လုံးအစစ် မြင်တာ ( မှန်ပါ ) ၊ အသေမြင်တော့ အရိယာတို့၏ တပည့်သားမျက်လုံးနဲ့မြင်တယ် ( မှန်ပါ ) သဘောပါပြီလား …( ပါ ပါပြီ ) အသေဆုံးသွားတာ မြင်လို့ရှိရင် အရိယာမျက်လုံးအစစ်နဲ့ မြင်တာလို့မှတ်လိုက်စမ်းပါ ..( မှန်လှပါ ) ။
အဲဒီတော့ အသေဆုံးသွားတာ နိဗ္ဗာန်လို့ခေါ်တယ်၊ နိဗ္ဗာန်ဆိုတာ ဘာတုံးဆိုလို့ရှိရင် ခန္ဓာနိရောဓာ၊ နိဗ္ဗာနံ ၊ ဒီဘက်ခန္ဓာတွေ တွေ့ သေးရဲ့ လား ..( မတွေ့ပါဘူး ) ။
ဒါတွေဟာ အသေဓာတ်တွေပဲ ( မှန်ပါ ) ၊ ဒါတွေဟာ ခုရေးထားလို့ ငါးခုတန်းနေတာ ( မှန်ပါ ) ၊ ဖြစ်နေတော့ တစ်ခုတည်းပဲ ( မှန်ပါ ) ၊ တစ်ပေါင်းတည်း တစ်ခုချုပ်တော့ အကုန်ရောချုပ်တာပဲ ( မှန်ပါ ) တစ်ခုချုပ်တော့ အကုန်ချုပ်လို့ ၂ - နံပါတ်အကုန်ရောချုပ်သွားတဲ့ အခါကျတော့ အကုန်ချုပ်လို့ ၂ - နံပါတ် အကုန်ရောချုပ်သွားတဲ့ အခါကျတော့ ဦးမြမောင် ရှုနေတဲ့ဥာဏ်က ဒီကြားထဲမှာ သြော်…ဒီဘက်ဘာမှ မရှိ တော့ပါလားဆိုတာ မသိပေဘူးလား ( သိပါတယ် ) ၊ ဒါတွေက ဘာတွေတုံးဆိုတော့ ဒုက္ခသစ္စာ အသေဓာတ် တွေဘုရား ( မှန်ပါ ) ။
၂ - နံပါတ်ဟာဘာတုံး… ( ဒုက္ခသစ္စာအသေဓာတ်တွေပါ ) ။
ဒုက္ခသစ္စာအသေဓာတ်တွေဆိုတာ ခင်ဗျားတို့က သိပြီး သကာလနေတော့၊ ဟင်… အသေမရှိတော့ ပါကလား..( မှန်ပါ ) ။
သြော် - ဒါဖြင့် အမတဆိုတာ မသေခြင်း၊ အမဟဆိုတာ ငါရောက်ပါပေါ့လားဆိုတာ သူများပြောရ တာမဟုတ်ဘူး၊ အသေမရှိတဲ့ နေရာကိုယ်တိုင်မြင်လာတယ် ( မှန်ပါ )။
ဦးဘသန်းကြီးသဘောကျပြီလား …( ကျပါပြီ ) ။
အသေမရှိတဲ့နေရာကို ..( ကိုယ်တိုင်မြင်လာပါတယ် ) ။
အဲဒီတော့ ရှေးဦးစွာ အသေမြင်ဖို့၊ နောက်အသေမုန်းဖို့ ( မှန်ပါ ) ၊ နောက်တော့ အသေမကြည့်ချင် တဲ့ အသေဆိုတာ မရချင်တဲ့ ဥာဏ်လဲလာပါရော အသေတွေပျောက်ထွက်သွားတယ် ..( မှန်ပါ )၊ အသေ ပျောက်ကွယ်သွားတော့ … ၂ - နံပါတ် အကွက်ရှိသေးရဲ့ လား …( မရှိပါဘူး ) ။
၂ -နံပါတ်အကွက်မရှိတာသည် ဘာဖြစ်လို့မရှိတာတုံးမေးတော့ ဟောဒီအသေနဲ့၊ ဟောဒီနောက်က ဒိဋ္ဌိ၊ ဒိဋ္ဌုပါဒါန် ဒိဋ္ဌိအုပ်ချုပ်တဲ့ကံတွေရော ချုပ်သွားတယ် ..( မှန်ပါ )၊ ဒီဘက်က အသေဇာတိ ဇရာမရဏတွေ ရော ချုပ်သွားတယ် ( မှန်ပါ ) ။
ဒါဖြင့် - သူလဲချုပ်တယ် ၊ သူကော ( ချုပ်ပါတယ် ) ၊ သူကော ( ချုပ်ပါတယ် ) ။
သူလဲချုပ်တယ်ဆိုတော့ ကျုပ်တို့မှာဒီအတိတ်ကတော့ ချုပ်ပြီးသားမို့ မလိုတော့ဘူး ( မှန်ပါ ) လိုသေးရဲ့ လား ( မလိုပါဘူး ) ။
မလိုတော့ကျုပ်တို့မှာ နိဗ္ဗာန်နဲ့ မဂ်ပဲ ကျန်ရစ်တယ်၊ ဒီပဋိစ္စသမုပ္ပာဒ် အကုန်ပျောက်တယ် ( မှန်ပါ )၊ မောင်သစ်ပေါ်ပြီလား…( ပေါ်ပါပြီ ) နောက်က ဒကာ ဒကာမတွေ ပေါ်ကြပြီလား …( ပေါ်ပါပြီ ) ။
သေသေချာချာကြည့်ပါ … သေသေချာချာကြည့်ပါ ၊ ပဋိစ္စသမုပ္ပာဒ်ကို နားလည်ရုံနဲ့ မပြီးဘူး၊ အလုပ်နဲ့ သိမ်းတာကိုသိမှ ဒါကအလုပ်နဲ့သိမ်းတာ ( မှန်ပါ ) ၊ ပေါ်ပြီလား ( ပေါ်ပါပြီ ) ။
ကြည့်ပါများလာတဲ့အခါ ဒီအသေတွေ မလိုချင်တဲ့ အခါကျတော့ ဒီအသေတွေ အကုန်မချုပ်ဘူးလား ( ချုပ်ပါတယ် ) ချုပ်သွားတော့ ဒီနောက်က ကောဒိဋ္ဌိ၊ ဒိဋ္ဌု ပါဒါန်ကော ( ချုပ်ပါတယ် )၊ ဒါဖြင့် ၃-နံပါတ် အကွက်ချုပ်သလား၊ ၄- နံပါတ်အကွက်ချုပ်သလားလို့မေးရင် ဘယ့်နှယ်ပြောကြမလဲ၊ ( ၃-နံပါတ်အကွက် ချုပ်ပါတယ်) ၊ ဘယ်ဟုတ်မလဲ ၄-နံပါတ်အကွက်ချုပ်တယ်၊ သူက အတိတ်ကလဲ ချုပ်ခဲ့ပြီးသား၊ သူက အစောကြီးကချုပ်နေတာ၊ သူက ကျုပ်တို့နဲ့ မဆိုင်တော့ဘူး၊ ကျုပ်တို့ရှိတာက ၁-၂-၃ သာကြောက်နေရ တယ် ( မှန်ပါ ) ။ သူကတော့ ကျုပ်တို့မှာလွန်ပြီးသားချုပ်ပြီးသား ( မှန်ပါ ) ၊ အကြောင်းအကျိုးသိအောင်လို့ သာဖော်ရေးထားတာ ( မှန်ပါ )၊ သူက အခုကျုပ်တို့ သန္တာန်ရှိသေးရဲ့ လား ( မရှိပါဘူး ) ။
ကျုပ်တို့ သန္တာန်သူမရှိတာက ဘာဖြစ်လို့မရှိသတုံးဆိုတော့ အ၀ိဇ္ဇာဖြစ်သွားတယ် ( မှန်လှပါ ) ဒီတော့ သူရှိသေးရဲ့ လား…( မရှိပါဘူး )၊ ဒါတွေဟာသင်္ခါရတရားတွေ ပြုပြင်တတ်တဲ့တရားတွေဟာ ပြုပြင် နိုင်သေးရဲ့ လား၊ အပါယ်ရောက်အောင် …( မပြုပြင်နိုင်ပါဘူး ) မပြုပြင်နိုင်တော့ ဒီသင်္ခါရကလဲ ချုပ်သွား တယ် …( မှန်ပါ ) ။
ဒါဖြင့် သူလဲ ချုပ်ဟုတ်လား ( မှန်ပါ )၊ သူလဲချုပ်၊ သူလဲချုပ်၊ သူလဲချုပ်ဆိုတော့ ဒီနေရာမှာမဂ္ဂင်နဲ့ ဒီနေရာမှာနိဗ္ဗာန်ကျန်ရစ်တယ် ( မှန်ပါ ) ၊ ရှင်းပြီလား …( ရှင်းပါပြီ ) ။
၂ - နံပါတ်မှာ နိဗ္ဗာန်ကျန်ရစ်တယ် ၊ ၂ -နံပါတ်နဲ့ ၃ - နံပါတ်ကြားထဲမှာ မဂ္ဂင်ဝင်လာတယ် ( မှန်ပါ့ ) ၊ မ၀င်လားဘူးလား ( ၀င်လာပါတယ် ) ။
ဝင်လာတော့ နိရောဓနဲ့ မဂ္ဂကျန်ရစ်တယ်ဆိုတော့ ဒီတစ်ခုလုံးက သမုဒယနဲ့ ဒုက္ခကိုးဗျ ( မှန်ပါ )၊ ပေါ်ပြီလား ( ပေါ်ပါပြီ )။ စက်ဝိုင်းတစ်ခုလုံးကဘာတုံး … ( သမုဒယနဲ့ ဒုက္ခပါ )၊ အခုကျုပ်တို့အားထုတ်ပြီး လုပ်လိုက်တော့ နိရောဓနဲ့ မဂ္ဂကျန်ရစ်တော့တယ် ( မှန်ပါ ) ၊ ပဋိစ္စသမုပ္ပာဒ်တစ်ဝိုင်းလုံး မပြုတ်သေးဘူးလား …( ပြုတ်ပါတယ် ) ။
အဲဒီတော့ကို ငါဟာအလည်သမားလား… မျောသမား- မြုပ်သမားလားလို့ တွေးဖို့မလိုတော့ဘူး…. ( မှန်ပါ ) ပဋိစ္စသမုပ္ပာဒ်ကို ငါ အကုန်သိမ်းလိုက်ပြီ ၊ ပေါ်ပြီလား…( ပေါ်ပါပြီ ) ။
အဲဒီတော့ ဦးမြအောင်တို့ ဒီရောက်လာတယ်၊ ဦးကျော်မောင်တို့ ဒီရောက်လာတယ်၊ ဦးဘသန်းတို့ ဒီ ရောက်လာတယ်၊ ပဋိစ္စသမုပ္ပာဒ်ဟာ ဘယ်သူမှ သိမ်းမပေးနိုင်ဘူး၊ ခင်ဗျားတို့ ဥာဏ်မှသိမ်းနိုင်တာ…( မှန်ပါ ) ။
ဒီတရားမဟောဖူးသေးဘူးကွဲ့  မောင်ချစ်စိန် ( မှန်ပါ ) ပဋိစ္စသမုပ္ပာဒ်လေးမျိုးစလုံးသိမ်းတာ မဟောသေးပါဘူး ( မှန်ပါဘုရား ) ၊ ပေါ်ပြီလား…( ပေါ်ပါပြီ )။
သိမ်းပုံကိုပေါ်ပြီလား ( ပေါ်ပါပြီ )၊ ရှေးဦးစွာသူ့ကို ဖြစ်ပျက်မြင်တယ်ဆိုတော့ မသိမ်းသေးဘူး ( မှန်လှပါ )၊ ဖြစ်ပျက်မုန်းတော့လဲ မသိမ်းသေးဘူး ( မှန်လှပါ ) ဖြစ်ပျက်မုန်းတော့လဲ မသိမ်းသေးဘူး ( မှန်လှပါ ) ၊ ဒီဖြစ်ပျက်ဆုံးတဲ့အခါကျတော့ကို ဘာကျန်သေးသတုံး..( နိရောဓကျန်ပါတယ် )၊ဒီဖက်နိရောဓအ ကုန်ဖြစ်သွားတယ် ၊ ဒုက္ခနိရောဓ ( မှန်ပါ ) ၊ ဒုက္ခနရောဓဆိုတော့ သူက နိဗ္ဗာန်ဖြစ်သွားတော့ ဒုက္ခသစ္စာ ဟုတ်သေးရဲ့ လား ( မဟုတ်ပါဘူး )၊ သူက နိရောဓသစ္စာဖြစ်သွားတယ် ၊ သူကကော… ( သူက မဂ္ဂသစ္စာဖြစ် သွားပါတယ် ) မဂ္ဂသစ္စာဖြစ်သွားတော့ ဒါတွေလဲမဂ်ကပယ်ပစ်လိုက်တော့ရှိသေးရဲ့ လား …( မရှိပါဘူး ) ၊ ဒါဖြင့် ၃ - လဲပျောက်၊ ၄ - လဲပျောက် …( မှန်ပါ ) ။
ဒီကဟာတွေလဲ မဂ္ဂသစ္စာထဲမှာ သူ့ပြောင်းပြန်လုပ်ပြီးတော့ အ၀ိဇ္ဇာကလဲ အ၀ိဇ္ဇာဖြစ်သွားတယ် ။ သင်္ခါရကလဲ အသင်္ခါရဖြစ်သွားတယ် …( မှန်ပါ ) ။
အသင်္ခါရဖြစ်သွားတော့ကို ဒီမှာ နိရောဓနဲ့ မဂ္ဂကျန်ရစ်တော့ကို ဒုက္ခသမုဒယအ၀ိုင်းကြီး အကုန်သိမ်း သွားတယ်…( မှန်ပါ ) ။
ဒါမလွယ်ဘူး၊ ဒီနေ့ပြောတဲ့ဥစ္စာက ခင်ဗျားတို့ တရားပွဲထဲထည့်ဟောလို့ မဖြစ်ဘူး၊ ( မှန်ပါ )၊ ဒီမှာလာတော့ဖြစ်ပါတယ်၊ ဒီမှာတော့ အ၀ိုင်းကြီးပဲ ထောက်ပြမှာကိုး…( မှန်ပါ )၊ ဟိုမှာတော့ အ၀ိုင်းကြီးထား စရာက မရှိဘူး ( မှန်ပါ့ ) ။
အဲဒါကြောင့် ညောင်လေးပင်က ဒကာမကြီးတွေ၊ ဟင်္သာတက ဒကာမကြီးတွေ ဂရုစိုက်ပါ၊ ဒီနေ့ပြော တဲ့ဥစ္စာ သိပ်အရေးကြီးတယ် ( မှန်ပါ ) ၊ သိပ်အရေးကြီးတယ် ၊ ဒိဋ္ဌဓမ္မောထိဖြစ်အောင် လုပ်ပေးနေတာ ( မှန် ပါ ) ။
ဒိဋ္ဌဓမ္မော ပတ္တဓမ္မော ၀ိဒိတဓမ္မော ပရိယောဂါဠှဓမ္မောတိဏ္ဏ၀ိစိကိစ္ဆော ၀ိဂတ ကတံကတော ဝေသာ ရဇ္ဇပတ္တော ဆိုတာဟာ ရဲရင့်ခြင်းသို့ရောက်ပြီတဲ့၊ ငါနိဗ္ဗာန်ဖြစ်ထားပြီဆိုတော့ ငါသည် သံသရာလည်သမားလဲ မဟုတ်တော့ဘူး၊ မဟုတ်ဘူးလား ( မှန်လှပါ )၊ လည်သမားလဲမဟုတ်ဘူး၊ မြုပ်သမား၊ မျောသမားကော ( မဟုတ်ပါဘူး ) မဟုတ်တော့ဘူးဆိုတော့ ဘာသစ္စာဖြစ်လို့ ဒါလောက်တောင်ရဲတာတုံးမေးတော့မှ နိရောဓသစ္စာနဲ့ မဂ္ဂသစ္စာပဲ ကျန်ရစ်တော့တယ် ( မှန်ပါ ) ။
အဲဒီတော့ ဒီပဋိစ္စသမုပ္ပာဒ်အ၀ိုင်းကြီးသည် အာလုံးအတွက် ဟောထားတာ၊ အလုပ်မလုပ်တဲ့ ပုဂ္ဂိုလ် တွေအတွက်ဟောထားတာ ( မှန်ပါ )၊ ပေါ်ပြီလား ( ပေါ်ပါပြီ )၊ အလုပ်လုပ်တဲ့ပုဂ္ဂိုလ်အတွက်မှာ အ၀ိုင်းဇာတ် သိမ်းတယ် ( မှန်ပါ ) ။
ဦးဘသန်းကျေနပ်ပြီလား…( ကျေနပ်ပါပြီ )၊ အလုပ်လုပ်တဲ့ပုဂ္ဂိုလ်အတွက်မှာ ..( အ၀ိုင်းဇာတ်သိမ်း ပါတယ် ) ။
ဒါလွယ်ပါ့မလား ဦးမြမောင်၊ ( မလွယ်ပါဘူးဘုရား ) ၊ မလွယ်ဘူးတဲ့ဒီဥစ္စာ၊ ခင်ဗျားတို့တစ်သက်နဲ့ တစ်ကိုယ်ဒီတစ်ခါပဲကြားတယ်…( မှန်ပါ ) ။
ဒီပဋိစ္စသမုပ္ပာဒ်ကြည့်ပါလား၊ မလိုချင်တော့ ဒုတိယ အကွက်ကလဲ ပျောက်သွားထွက်သွားတယ် ( မှန်လှပါ ) ၊ ဒီကြားထဲကလဲ မဂ်ဝင်လာတယ် ( မှန်လှပါ )၊ ဒီကြားထဲမဂ်ဝင်တော့ ဒီအဆက်ကလေးကလဲ ပြတ်သွားတယ် ( မှန်ပါ )၊ ပြတ်သွားတယ်ဆိုတော့ သူနဲ့ ဆက်သေးရဲ့လား ( မဆက်တော့ပါဘူး ) သူနဲ့မှမဆက်ပဲ သူကဆက်ချင်လို့ကော ( မရပါဘူး )။
မရတော့တစ်ကွက် ရှေးဦးစွာပျောက်တယ်၊ နောက်မဂ်ပေါ်လာတော့ သူကနိဗ္ဗာန်ဖြစ်သွားရော…( မှန်ပါ ) ၊ သူကလဲ သင်္ခါရမဟုတ်တော့ဘူး ( မှန်ပါ )၊ သူကလဲ သမုဒယသစ္စာမဟုတ်တော့ဘူး ( မှန်ပါ )၊ သူက လဲ သင်္ခါရမဟုတ်တော့ဘူး( မှန်ပါ ) ၊သူကလဲ သမုဒယသစ္စာမဟုတ်တော့ဘူး ( မှန်ပါ )၊ သူကလဲဒုက္ခသစ္စာ မဟုတ်တော့ဘူး ( မှန်ပါ )၊သူကလဲဒုက္ခသစ္စာ ( မဟုတ်တော့ပါဘူး ) ။
မဟုတ်တော့ဘူးဆိုသဖြင့် ပထမအကွက်ကလဲ သူက အကုန်ပြောင်းပစ်လိုက်တယ် ( မှန်ပါ ) ၊ ပဌမအ၀ိဇ္ဇာကလဲ မဂ္ဂင်ထဲဝင်သွားတယ်၊ ၀ိဇ္ဇာသွားဖြစ်တယ် ( မှန်ပါ )၊သင်္ခါရကလဲ အသင်္ခါရသွားဖြစ်တယ်၊ သဘောကျပြီလား ..( မှန်ပါ ) ။
ဒါဖြင့် ၀ိသင်္ခါရဂတံစိတ္တံ တဏှာနံ ခယမဇ္ဈဂါနဲ့ သွားကိုက်တယ် ( မှန်ပါ )၊ ၀ိသင်္ခါရဂတံစိတ္တံ - သင်္ခါရ ကင်းသွားပြီတဲ့၊ ဒီဘက်ကသင်္ခါရ အလုပ်လုပ်သေးရဲ့ လား ( မလုပ်တော့ပါဘူး )၊ တဏှာနံခယမဇ္ဈဂါတဲ့ ၊ ဒီဖက်ကဒိဋ္ဌိအုပ်ချုပ်တဲ့ တဏှာကော ကုန်မသွားဘူးလား ( ကုန်သွားပါတယ် ) ။
အဲဒီတော့ မင်းတို့ အနေကဇာတင်တော့ ၀ိသင်္ခါရ ဂတံစိတ္တံဆိုတာ ဒါပျောက်တာပြောတာ …( မှန်ပါ )၊ တဏှာနံခယ မဇ္ဈဂါဆိုတာ ဒါပျောက်တာပြောတာ ( မှန်ပါ )၊ ပေါ်လာပြီလား … ( ပေါ်ပါပြီ )။ ခင်ဗျားတို့က အနေကဇာတင်တယ်ဆိုတာ ဘုရား အသက်သွင်းတယ်လို့ပြောတာ …( မှန်ပါ )၊ ရိပ်မိပြီလား ( ရိပ်မိပါပြီ )။
ဘုရားအနေကဇာတင်တယ်ဆိုတော့ တစ်ချို့ လူတွေက ဘုရားအသက်သွင်းတယ်လို့ ယူချင်ယူနေ တာ ( မှန်ပါ )၊ ဘုရား အသက်သွင်းတာမဟုတ်ဘူး ဒီဟာတွေပြနေတာ၊ ပေါ်ကြပြီလား ( ပေါ်ပါပြီ )။
ကဲ - ဒါဖြင့် သြော်- ဒီဥစ္စာနိရောဓနဲ့ မဂ္ဂ ဘယ်လိုပုဂ္ဂိုလ်များရထိုက်ပါလိမ့်မတုံး၊ နိရောဓမဂ္ဂရမှာလဲ အ၀ိုင်းကြီးသိမ်းတယ်၊ ဒါတွေက အကန့်တွေကိုးဗျ၊ ( မှန်ပါ ) ၊ သင်္ခါရအကန့်တွေဟင် ( မှန်လှပါ ) ၊ ဒီဇာတိ ဇရာ မရဏ အကွက်တွေကောရှိသေးရဲ့ လား ( မရှိပါဘူး ) ၊ ၀င်ရိုးကြီးကော ရှိသေးရဲ့ လား ..( မရှိပါဘူး ) ။
အာသ၀ ၀င်ရိုးကြီးလဲမရှိတော့ဘူး၊ ဒီပုံတောင်းတွေကော ( မရှိတော့ပါဘူး ) ၊သံပတ်ခွေအကပ်ကြီးကော ( မရှိတော့ပါဘူး ) ၊ အဲဒါတွေအကုန်ပြုတ်တယ် ( မှန်ပါ ) ။
ကဲ…ဒါဖြင့် ဒီနေ့တရားနာရတာဟာ ပဋိစ္စသမုပ္ပာဒ် အ၀ိုင်းကြီးက ဘယ်လိုပုဂ္ဂိုလ်တွေအတွက်ပါလိမ့် မတုံးဆိုတော့၊ အို.. အလုပ်မလုပ်တဲ့ ပုဂ္ဂိုလ်တွေအတွက်ဟောထားတာ ( မှန်ပါ )၊ ရှင်းပြီလား ..( ရှင်းပါပြီ ) ။
ဘယ်လိုပုဂ္ဂိုလ်အတွက် ဟောထားတာတုံး ( အလုပ်မလုပ်တဲ့ ပုဂ္ဂိုလ်အတွက်ပါ ) ။
အလုပ် လုပ်တဲ့ ပုဂ္ဂိုလ်အတွက်မှာ လေးကွက်စလုံးပျောက်တယ် ( မှန်လှပါ ) ။ ပျောက်ရမှာပဲတဲ့ မလိုချင်တော့ ဒါတွေက နိရောဓသစ္စာသွားဖြစ်တယ် ( မှန်ပါ ) ၊ ဒီကြားထဲက ဟာတွေက ( မဂ္ဂသစ္စာသွား ဖြစ်တယ် )။
မဂ္ဂသစ္စာသွားဖြစ်တော့ ခင်ဗျားတို့ ပဋိစ္စသမုပ္ပာဒ်အ၀ိုင်းကြီးဟာ သမုဒယနဲ့ ဒုက္ခပဲပါတယ် ( မှန်ပါ )၊ ကြည့်ပါ ၊ ၄ - ဖက်စလုံးမှာ သမုဒယနဲ့ ဒုက္ခချုပ်ပဲ..( မှန်ပါ ) ။
အဲဒီတော့ ၂ - နံပါတ်အကွက်မှာ ခန္ဓာမရှိတော့ဘူး၊ ခန္ဓာမရှိတဲ့နိဗ္ဗာန်ကို ၂ နဲ့ ၃ ကြား မဂ္ဂသစ္စာဝင် ပြီး ပြင်လိုက်တဲ့အခါကျတော့ နိရောဓနဲ့ မဂ္ဂပဲကျန်ရစ်တော့တယ် ( မှန်ပါ ) ပေါ်ပြီလား..( ပေါ်ပါပြီ ) ။
နိရောဓနဲ့ မဂ္ဂပဲကျန်တော့၊ သြော်…တို့ပဋိစ္စသမုပ္ပာဒ်ကြီး တို့နားလည်ထားတာကြီး ကုန်ပါပေါ့လား ဆိုတော့ တို့သံသရာကုန်တာပြောတာ ( မှန်ပါ )။ ကိုယ့်သံသရာကုန်သွားတာကို ကိုယ်မြင်တယ် ..( မှန်ပါ )၊ ရှင်းပြီလား…( ရှင်းပါပြီ ) ။
အဲဒီတော့ ဦးမြအောင်တို့၊ ဦးကျော်မောင်တို့ ကမှတ်၊ ဘုရားဖြစ်ချင်တော့ အားထုတ်တာများလာ တော့ ပဋိစ္စသမုပ္ပာဒ်အစကိုလဲ ဖြုတ်လိုက်တယ်၊ အဆုံးကိုလဲသိလိုက်တယ်၊ အစကိုလဲ ပယ်လိုက်တယ်၊ ပယ်လိုက်တဲ့အတွက် အဆုံးပါ ပျောက်သွားတဲ့ အချိန်မှာ ဘုရားဖြစ်တယ် ( မှန်လှပါ )၊ ရိပ်မိပြီလား …( ရိပ်မိ ပါပြီ )။
အစသိ၊ အဆုံးသိပြီးသကာလမှ ငါဖြင့် ဒီနှစ်ခုကို အကုန်သိပြီးတာတွေ အကုန်ငါ့မှာဖြင့် မရှိတော့ဘူး လို့သိတဲ့ အချိန်မှာ ဘုရားဖြစ်လာတယ်တဲ့ ( မှန်ပါ ) ၊ ဒါပဋိစ္စသမုပ္ပာဒ်ဆင်ခြင်မှ ဘုရားဖြစ်တယ်ပြောတာ ( မှန်ပါ ) ရှင်းပြီလား ( ရှင်းပါပြီ ) ။
ဒါဖြင့်ခင်ဗျားတို့ ဒီနေ့အလုပ်လုပ်လို့ရှိဖြင့် သောတာပန် စခန်းဟာ ဒီဒုက္ခချုပ်အောင်သာ ခင်ဗျားတို့ ရှုမယ်ဆိုလို့ရှိရင် စိတ်တစ်ခုရှုရင်လဲ အကုန်ချုပ်မှာပဲ ( မှန်ပါ )၊ ချုပ်သည်နဲ့ တစ်ပြိုင်နက်တည်း ၀ိပဿနာမဂ် က မဂ်စစ်ဖြစ်လာလို့ရှိရင်ဖြင့် ဒီတစ်ဝိုင်းလုံးအကုန်ပျောက်မယ်၊ ( မှန်ပါ )၊ မပျောက်ဘူးလား ( ပျောက်ပါတယ် )။ ဒီဒုက္ခက နိရောဓသွားတယ် ( မှန်ပါ ) ၊သမုဒယအနေကိုမဂ္ဂက ပယ်ပစ်ချလိုက်တယ် ၊ သမုဒယနဲပ အကျိုးတရားတွေကော ကျန်ရစ်သေးရဲ့ လား ( မကျန်ရစ်ပါဘူး )၊ ဒီတော့ အ၀ိဇ္ဇာကလဲ ဘာဖြစ် သွားသတုံး ( ၀ိဇ္ဇာဖြစ်သွားပါတယ် ) ။
သင်္ခါရကလဲ ၀ိသင်္ခါရသွားဖြစ်တယ် ၊ ၀ိသင်္ခါရဂတံ စိတ္တံကိုးဗျ၊ ခင်ဗျားတို့ မဂ္ဂင်ဖြစ်တော့ဝိသင်္ခါရဂတံ ဖြစ်တယ် ( မှန်ပါ ) ၊ ခင်ဗျားတုိ့ မဂ္ဂသစ္စာက သင်္ခါရကင်းစိတ် ( မှန်ပါ )ခင်ဗျားတို့ မဂ္ဂသစ္စာက သင်္ခါရကင်းစိတ် ( မှန်ပါ )၊ ၀ိသင်္ခါရဂတံ စိတ္တံ တဏှာနံ ခယမဇ္ဈဂါ ဒါတွေကုန်ပါပြီတဲ့၊ မကုန်ပေဖူးလား …… ( ကုန်ပါပြီ )။
ဘယ်လောက်နက်နဲတယ်ဆိုတာ ဦးဘသန်းရိပ်မိပြီလား ( ရိပ်မိပါပြီ )၊ ဘယ်မှာ ဒီဥစ္စာစာအုပ်ကြည့် လို့လဲ အခက်ကြီး ( မှန်ပါ ) ၊ စာအုပ်ကြည့်လိုက်ပြန်လဲ ခက်ပြီးလုပ်ကြည့်မှ သူပေါ်လာတယ် ( မှန်ပါ ) ။
ဒါဖြင့် ဒီနေရာမှာ နိဗ္ဗာန်ကို ခင်ဗျားတို့ မြင်နေရတော့ ဒါတွေဒုက္ခချုပ်သွားပြီ၊ ဒါတွေ မဂ္ဂသစ္စာနဲ့မြင် တဲ့ အခါကျတော့ သြော်…ဘယ်ပုဂ္ဂိုလ်များ မြင်ပါလိမ့်မတုံးဆိုတော့ အရိယာမျက်လုံး စရပြီး အရိယာမျက် လုံးအစစ် ဖြစ်သွားတဲ့ ပုဂ္ဂိုလ်မှ ဖြစ်တယ်၊ ကိုယ့်ဟာကိုယ်လုပ်လို့ ကိုယ်မြင်တာကိုး ( မှန်လှပါ )၊ ရှင်းပြီလား ( ရှင်းပါပြီ ) ။
ဒါဖြင့် နိဗ္ဗာန်မြင်တဲ့ ပုဂ္ဂိုလ်များဟာ သူများကြောင့် မြင်တာလား၊ ကိုယ့်အလုပ်နဲ့ ကိုယ်မြင်တာလား … ( ကိုယ့်အလုပ်နဲ့ကိုယ်မြင်တာပါ )၊ ဒါဖြင့် အမျှပေးလို့ မရဘူး ( မှန်လှပါ ) မဂ်ကို အမျှပေးလို့မရဘူး၊ ( မှန် လှပါ ) မဂ်ကို အမျှပေးလို့ မရဘူး၊ ( မှန်လှပါ ) ရှင်းပြီလား ( ရှင်းပါပြီ ) ။
သားတွေ သမီးတွေ ခင်ပါတယ်၊ သားမယားတွေ ကြင်နာပါတယ်ဆိုငြားသော်လဲ ကိုယ်လုပ်မှ ကိုယ် မြင်မည်၊ နိဗ္ဗာန်ဆိုတာ ရိပ်မိပလား..( ရိပ်မိပါပြီ ) ။
ဒီ့ပြင် ဒါနကုသိုလ်၊ သီလကုသိုလ်တွေ အမျှပေးလို့ရတယ်၊သူကတော့မရဘူးတဲ့၊ ကိုယ်ပန်ထားတဲ့ ပန်းဟာ ကိုယ်သာလှတာပဲ၊ သူများဘယ်တော့မှ မလှဘူး ( မှန်ပါ ) ၊ ကိုယ့်မဂ္ဂင်ဟာ ကိုယ်သာပန်ထားသော ကြောင့် ကိုယ်သာလှတာပဲ၊ သူများမလှဘူးတဲ့ ( မှန်ပါ )၊ ရှင်းပြီလား ( ရှင်းပါပြီ ) ။
ကဲ - ဒါဖြင့် နိဗ္ဗာန်အကြောင်းကို ယနေ့ပြောတော့မယ်၊ နိဗ္ဗာန်ဆိုတာ ဦးကျောမောင်တို့ မှတ်လိုက်စမ်းပါ၊ ( မှန်လှပါ ) ။ ကျောက်တောင်ကြီးတစ်ခု ရှိတယ်တဲ့၊ ကျောက်တောင်ကြီးတစ်ခုရှိပြီးသကာ လနေတော့ ဒီကျောက်တောင်ကြီးဟာက ကျုပ်တို့စစ်အတွက်သုံးမယ်ဆိုတော့ ကျောက်တောင်ကိုပိုတူးကြ ရမယ်၊ စစ်သုံးဖိုဆိုရင် မတူးကြရဘူးလား ( တူးကြရပါတယ် ) ။
တူးတော့ ဦးကျော်မောင်၊ ဦးမြမောင်တို့ ခင်ဗျားတို့ ဘာလုပ်ဖို့တူးသတုံး … အို … အောင်းဖို့ပေါ့ဗျာ၊ ကာကွယ်ဖို့ပေါ့ဗျာ … ( မှန်ပါ ) ။
နဂိုက ဒီကျောက်တောင်ကြီးဟာ မတူးခင်က လိုဏ်ကြီးခေါင်းကြီးအောင်းစရာရှိသလားလို့ မေးရင် ဘယ့်နှယ်ဖြေမလဲ ...( မရှိပါဘူးဘုရား ) ။
ဒါဖြင့် သူတူးတဲ့ပုဂ္ဂိုလ်၏ လုံ့လပယောဂကြောင့် ရှိလာတာ ...( မှန်လှပါ )၊ သဘောကျပြီလား ...( ကျပါပြီ )။
ဒီလိုပဲ.. ဒီနိဗ္ဗာန်ဟာ မှတ်လိုက်ပါတော့ ၊ ပစ္စုပ္ပန်ကာလမှာလဲ မရှိဘူး၊ မတူးတဲ့ ပုဂ္ဂိုလ်မှာ ( မှန်ပါ )၊ အတိတ်ကာလကလဲ မရှိခဲ့ဖူးဘူး၊ ( မရှိခဲ့ပါဘူး )၊ အနာဂတ်ကာလမှာကော ( မရှိပါဘူး ) ဒါကြောင့် နိဗ္ဗာန်ဟာ ကာလသုံးပါးလွတ်တယ် ( မှန်ပါ ) ။
ပစ္စုပ္ပန်ကာလရှိနေလို့ရှိရင် လူတိုင်းဝင်အောင်းမှာပေါ့ဗျာ ( မှန်ပါ )၊ မဟုတ်ဘူး၊ တူးတဲ့ပုဂ္ဂိုလ်မှသာ လျှင် အောင်းလို့ရတယ် ( မှန်ပါ )၊ အခုတူးလို့ အခုအောင်းလို့ရတာ ( မှန်ပါ ) ၊ ရှေးကရှိနှင့်လို့ရှိရင်လဲ နိဗ္ဗာန် ဟာ ရှေးကလူးတွေ အကုန်ရောက်ကုန်မှာပေါ့ ...( မှန်ပါ ) ။
ဒါကြောင့် အလုပ်မလုပ်တဲ့ပုဂ္ဂိုလ်မှာရှေးက မရှိတာကြောင့် အတိတ်မှာလဲ နိဗ္ဗာန်မရှိ၊ အနာဂတ်မှာ လဲ ...( မရှိပါဘူး ) ပစ္စုပ္ပန်မှာလဲ မတူးတဲ့ပုဂ္ဂိုလ်မှာ ...( မရှိပါဘူးဘုရား ) ။
ကဲ .. ခင်ဗျားတို့ ဖြစ်ပျက်ကို နှလုံးသွင်းနေတာ သူပုန်းဖို့တူးတော ( မှန်ပါ )၊ နိဗ္ဗာန်တည်းဟူသော ပုန်းအောင်ရာလဲလျောင်းရာ ကာကွယ်ရာ ဒါကြီးပေါ်အောင်လို့ ခင်ဗျားတို့ ဖြစ်ပျက်လုပ်နေတာ ( မှန်ပါ ) ၊ ဒါဂူးတူးနေတာ ( မှန်ပါ ) ။
ဂူးတူးနေတဲ့အခါကျတော့ ဒီဂူကြီးဟာက သြော် - အသေလွတ်တဲ့ နေရာပါလားဆိုတဲ့ ဥစ္စာ ခင်ဗျား တို့ရဲ့ တင်းတင်းနေကြသလိုပေါ့ဗျာ..( မှန်ပါ )၊ ဘယ်လောက်တန်ဗုံးတွေကျကျ ကိုယ်တူးထားတဲ့ဂူက အပေါ်ကလဲ အမြင့်ကြီး ဘေးကလဲဗုံးဆံတွေစင်ပြီး ၀င်စရာမရှိဘူးဆိုပြီး စိတ်ချလက်ချ ကိုယ်၏ ပုန်းအောင်း ရာ ကိုယ်၏ လဲလျောင်းရာ ကိုယ်၏ ကာကွယ်ရေးမဖြစ်ဘူးလား...( ဖြစ်ပါတယ် ဘုရား ) ဘယ်သူ၏ ကာ ကွယ်ရေး တုံးမေးတော့ တူးတဲ့ပုဂ္ဂိုလ်၏ ကာကွယ်ရေး ...( မှန်ပါ ) ။
ဒါဖြင့် ခင်ဗျားတို့ ဖြစ်ပျက်မြင်အောင်ကြည့် ဖြစ်ပျက်မုန်းအောင်ကြည့် ဖြစ်ပျက်ဆုံးအောင်ရှုဆိုတဲ့ ဥစ္စာ ခင်ဗျားတို့ ကာကွယ်ရေး ခင်ဗျားတို့ရှာနေတာ ...( မှန်ပါ )။
ခင်ဗျားတို့ကာကွယ်ရေး ခင်ဗျားတို့ရှာပြီးသကာလနေတော့ ကာလသုံးပါလွတ်ပါတယ်တဲ့...နိဗ္ဗာန် ဟာ ( မှန်ပါ ) ပေါ်ပြီလား...( ပေါ်ပါပြီ ) ။
ဒီဂူကြီးက နဂိုက ကျောက်တောင်ကြီး ( မှန်ပါ ) ခင်ဗျားတို့လုံ့လပယောဂနဲ့တူးလို့သာ ပေါ်လာတာ ( မှန်ပါ ) ။
အဲဒီတော့ အတိတ်ကရှိနှင့်သလား ဒီခေါင်းကြီးဟာ ( မရှိနှင့်ပါဘူး )၊ အနာဂတ်မှာ တူးထားနှင့် တာကောရှိရဲ့ လား ..( မရှိပါဘူး )၊ ပစ္စုပ္ပန်မှာကော အခုတူးလို့ အခုပေါ်လာတာ၊ နဂိုကတောင်ကြီးဟုတ်လား ထုကြီးနဲ့၊ ဒီလိုကောမနေဘူးလား ...( နေပါတယ် ) ။
ဒါဖြင့် ဦးမြမောင်ကိုမေးပြီး ဂူကြီးသည် ဘယ်ကာလက ရှိနှင့်တာတုံးမေးရင် ဘယ့်နှယ်ပြောမလဲ .... ( မရှိနှင့်ပါဘူးဘုရား၊ အခုမှပေါ်တာပါ ) အခုမှ ပုန်းအောင်းရာ လဲလျောင်းရာရမယ် ( မှန်ပါ ) ။
ဒါဖြင့် တူးလိုက်တဲ့အခါကျတော့လဲ တစ်ခါစဉ်းစားအုံးတဲ့၊ ကျောက်သားနဲ့ ဟာလာဟင်းလင်းကြီးနဲ့ တူရဲ့ လားလို့မေးပြန်တယ် ( မတူပါဘူး )၊ သူက ဟာလာဟင်းလင်းဟုတ်လား၊ ကျောက်သားက ကျောက် သားက ကျောက်သားအမျိုး ( မှန်ပါ )၊ ဒိလိုမနေဘူးလား ...( နေပါတယ် ) ။
ကျောက်သားက ကျောက်သားတစ်မျိုး၊ တူးတာတဲ့လိုဏ်ဂူကြီးက ဟာလာဟင်းလင်းကြီးတစ်မျိုးဆို တော့ကို နိဗ္ဗာန်သည်ခင်ဗျားတို့ ပြုလုပ်ထားတဲ့ ဒါနသီလသမထစေတနာနဲ့လဲမတူးဘူး၊ ကျောက်တောင်ကြီး နဲ့လဲ မတူဘူးတဲ့၊ မဂ်စိတ်က ဖြစ်ပျက် ဒါနသီလတွေကလဲ ဖြစ်ပျက်ပဲ ။ ( မှန်ပါ ) အဲဒါတွေနဲ့လဲမတူတဲ့ အခေါင်းကြီး ပေါ်လာသလိုပဲတဲ့၊ ပုန်းအောင်ရာ လဲလျောင်းရာပေါ်လာတယ်၊ ဒါနသီလ သမထ၀ိပဿနာဆို တဲ့ သင်္ခါရပစ္စည်းတွေနဲ့လဲ ခုနင်က အခေါင်းကြီးနဲ့ တူရဲ့ လား၊ ( မတူးပါဘူး ) ။
ဒါဖြင့် သင်္ခါရနိမိတ်မလွတ်ဘူးလား ..( လွတ်ပါတယ် ) သင်္ခါရနဲ့ တူကိုတူသေးရဲ့ လား ( မတူပါဘူး ) ။
မတူးတော့ ဒါ့ကြောင့် ခင်ဗျားတို့ကို ပြုထားတဲ့ ဒါနလဲနိဗ္ဗာန်နဲ့ မတူဘူး၊ ဒါက စေတနာဆိုတော့ ဖြစ် ပျက်သွားတာ ( မှန်ပါ ) ၊ သီလကလဲဝိရတီဆိုတော့ ဖြစ်ပျက်သွားတာ ( မှန်ပါ ) ၊ သမထက သမာဓိဆိုတော့ ကော (့ ဖြစ်ပျက်သွားတာပါပဲ ) တူရဲ့ လား၊ သူတို့နဲ့ ( မတူပါဘူး )။ အဲ .. ကျောက်တောင်ကြီးနဲ့ အောင်းရာနဲ့ မတူသလိုပေါ်တာပဲ ..( မှန်ပါ ) ။
ဒါ သေးတဲ့ အဓိပ္ပါယ်မဟုတ်ဘူး ၊ မောင်သစ်တို့တောင် ဒီတစ်ခါကြားဘူးမှာ ( မှန်ပါ )၊ မောင်ချစ်စိန် ကော ( ဒီတစ်ခါပဲကြားဘူးပါတယ် ) ၊ ဒီတစ်ခါပဲ ကြားဘူးတယ် ၊ အခုမှ စဟောတာ ( မှန်ပါ ) ။
ကဲ - ဒါဖြင့် ဒီနေရာမှာ နဂိုတုံးက ခန္ဓာငါးပါး အသေတွေ ရှုပ်နေတယ်၊ ကြည့် ၂- နံပါတ်မှာ ခန္ဓာငါးပါး အသေတွေရှုပ်နေတယ် ( မှန်လှပါဘုရား ) ။ မဂ်စစ်ဝင်လာတော့ ဒါတွေအကုန်မချုပ်ဘူးလား...( ချုပ်ပါတယ် )၊ ဒါပုန်းအောင်စရာ ဒီနေရာပေါ်လာတယ်၊ မသေတဲ့နေရာဆိုပြီး ဒီနေရာပေါ်လာတယ် ( မှန်ပါ ) နဂိုက သေတဲ့နေရာကိုး ( မှန်ပါ ) ။
၂ - နံပါတ်ဟာ နဂိုက ဘာတုံး ..( နဂိုက သေတဲ့နေရာပါ )။ အခုဒါတွေ အကုန်ချုပ်သွားတော့ ဒါဘာ ဖြစ်သွားသတုံး ( မသေတဲ့နေရာဖြစ်သွားပါတယ် ) ၊ မသေတဲ့နေရာဖြစ်သွားတော့ ပုန်းအောင်းစရာကြီး ခင်ဗျားတို့ မြင်ထားတယ် ၊ ( မှန်ပါ ) ။ ဟာ.... မသေတဲ့နေရာဟာ ဒါပဲ ...( မှန်ပါ ) ။
နဂိုက ဒါကျောက်တောင်ကြီးပေါ့ဗျာ ( မှန်ပါ )၊ အခုသေသေချာချာ ခင်ဗျားမဂ်နဲ့ တူးဆွလိုက်တဲ့ အခါကျတော့ ကိလေသာတွေကုန် ဒုက္ခတွေကုန်သွားတော့ ပုန်းအောင်းရာဌာနကြီးဖြစ်မလာဘူးလား ( ဖြစ် လာပါတယ် ) ။ ဒါဖြင့် ဒီဟာနိဗ္ဗာန် ( မှန်ပါ ) ။
ချုပ်သွားလို့ရှိရင် ဒီဟာဘာခေါ်မယ် ( နိဗ္ဗာန်ပါ ) ဒါက ဘာခေါ်မလဲ ( မဂ်ဥာဏ်ပါ ) ။
အဲဒီတော့ မဂ်ဥာဏ်ဖိုလ်ဥာဏ်ရှိသော ပုဂ္ဂိုလ်တို့၏ ပုန်းအောင်းရာ ( မှန်ပါ )၊ ပစ္စဝေက္ခဏဥာဏ်ရှိ သော ပုဂ္ဂိုလ်တို့၏ ( ပုန်းအောင်းရာပါ ) ။
ဒါကြောင့် ဒီဟာဆုံးအောင် ရှုရမယ်ဆိုတာ ပုန်းအောင်းရာတွေ့ အောင်လုပ်ပါ ( မှန်ပါ ) ၊ ရှင်းပြီလား ....( ရှင်းပါပြီ ) ။
ကဲ ... ဒါဖြင့် ခင်ဗျားတို့လုပ်တဲ့ တရားနဲ့ကော ပေါ်လာတဲ့တရားနဲ့တူပါရဲ့ လားလို့ မေးပြန်တော့ ဘယ့် နှယ်ဖြေပါ့မလဲ...( မတူပါဘူး ) ဟိုက သင်္ခတတရား ( မှန်ပါ ) ၊ ဒီက ပေါ်လာတာက အသင်္ခတတရား ( မှန်ပါ ) ၊ ဥာဏ်နဲ့ ရှုလိုက်တာနဲ့ မြင်လာတယ် ၊ ( မှန်ပါ ) ပုန်းအောင်းရာ လဲလျောင်းရာ ဖြစ်လာတယ် ၊ မဟုတ်ဘူး လား ( ဟုတ်ပါတယ် ) ၊ ဒါဖြင့် သူက အသင်္ခတတရား ၊ ခင်ဗျားတို့ပြုပြင်တဲ့တရားတွေက ( အသင်္ခတ တရား ပါ ) ။
ဒါဖြင့် - သင်္ခတ တရားတွေလုပ်ပြီး အသင်္ခတအကျိုးပေးတယ် ( မှန်ပါ ) ၊ ပေါ်ကြပြီလား ( ပေါ်ပါပြီ ) ။
သင်္ခတတရားတွေ လုပ်ပြီးတော့ ( အသင်္ခတအကျိုးပေးပါတယ် ) ၊ သေတတ်တဲ့တရားတွေနဲ့ ခင်ဗျားတို့ မသေတတ်တဲ့တရားကို ရင်းနှီးယူတယ် ( မှန်ပါ ) ။
သေတတ်တဲ့ ဒါန၊ သေတတ်တဲ့ သီလ၊ သေတတ်တဲ့ သမထ၊ သေတတ်တဲ့ ၀ိပဿနာတွေနဲ့ ရင်းနှီးပြီးတော့မှ မသေရာကိုခင်ဗျားတို့ အရယူတယ်ဆိုတော့ ဒီစကားတွေဟာ အင်မတန်ကြီးကျယ်တဲ့ စကားတွေ ( မှန်ပါ )၊ သာမည နားဆိုလို့ရှိရင် အကွက်ချသာမပြောဘူးဆိုရင် ဦးကျော်မောင် နားမလည်နိုင် ဘူး ..( မလည်နိုင်ပါဘူးဘုရား ) မလည်တော့ဘူး၊ အင်မတန်ခဲယဉ်းသွားပြီးတဲ့၊ အခုတော့ ရှင်းပြီလား ..( ရှင်း ပါပြီဘုရား ) ။
သြော် ... သေတတ်တဲ့တရားတွေနဲ့ မသေရာရပါကလား ( မှန်ပါ ) ၊ ဒါနဆိုတာ ဘာတုံး ...( သေ တက်တဲ့ တရား ပါ )၊ စေတနာဆိုတာဖြစ်ပျက်ပဲ ၊ သေတာပဲ ၊ ( မှန်ပါ )၊ သီလ၀ိရတီဆိုတာကော ( သေတက် တဲ့တရားပါပဲ ) ၊ သမထသမာဓိဆိတာကော ( သေတတ်တဲ့တရားပါဘုရား ) ၊ ၀ိပဿနာဆိုတာတွေကော ( သေတတ်တဲ့ တရားပါဘုရား ) ၊ သေတတ်တဲ့ တရားတွေနဲ့ရင်းနှင်းပြီး သကာလ မသေရာရနိုင်ပါတယ် ( မှန် ပါ ) ။
ဒါကြောင့် သင်္ခတက ကျေးဇူးပြုလိုက်တာနဲ့ အသင်္ခတရတယ် ( မှန်ပါ ) ။
ဒါဖြင့် သင်္ခတက တူးဆွတာနဲပ တူသွးတယ် ၊ ရတောဂူကြီးပုန်းအောင်းရာဆိုတဲ့ အသင်္ခတရတယ် ( မှန်ပါ ) ၊ ရှင်းပြီလား...( ရှင်းပါပြီ ) ။
ဒါဖြင့် နိဗ္ဗာန်ဟာ အသင်္ခတာ ဓမ္မာဆိုတာလဲ ပေါ်သွားပြီ ( ပေါ်ပါပြီ )၊ ပြုပြင်စရာမရှိတဲ့ တရားဆိုတာ လဲ ပေါ်သွားပြီ ( ပေါ်ပါပြီ ) ။
ခင်ဗျားတို့က အားထုတ်နေတာက သင်္ခတတရား ( မှန်ပါ )၊ နိဗ္ဗာန်က အသင်္ခတတရား( မှန်ပါ ) ဘယ်သူမှ မပြုပြင်ဘဲနဲ့ ခိုင်မြဲနေတဲ့တရား ဆိုတဲ့ဥစ္စာ ခင်ဗျားတို့ ရှင်းပြီလား ( ရှင်းပါပြီ ) ။
ဒါနသီလသမထတွေက ပြုပြင်တဲ့တရားတွေ၊ ဒါနသီလ သမထအရိပ်ကို သူ့အထဲပါသေးသလား .... ( မပါပါဘူး ) မသေရာကြီးပေါ်လာတာပဲ...ရှင်းပြီလား ...( ရှင်းပါပြီ ) ။
ဒါဖြင့် သင်္ခတကြောင့် ရငြားသော်လည်း သင်္ခတအရိပ်ပါရဲ့ လား ( မပါပါဘူး ) ဒါကြောင့် သူ့ကို အသင်္ခတာ ဓမ္မလို့ ဘုရားက ဟောတောမူတယ် ( မှန်ပါ ) ။
ဘာတရားတဲ့တုံး ( အသင်္ခတတရားပါ ) ၊ မပြုပြင်ဘဲနဲ့ ခိုင်တဲ့တရားဆိုပြီးသကာလ ဒီလိုပေါ်လာတာ ( မှန်လှပါ ) မောင်သစ်သိပ်အဖိုးတန်ပါလားဟေ ( တန်ပါတယ်ဘုရား )ရှင်းပြီလား ...( ရှင်းပါပြီ ) ။
ဒါဖြင့် ခင်ဗျားတို့သည် ၀ိပဿနာလုပ်နေကြတာ ကိုယ့်ပုန်းအောင်ရာ ကိုယ်လဲလျောင်းရာဖြစ်တဲ့ ဂူကြီးတူးနေတာနဲ့ အတူတူပဲ ..( မှန်လှပါ ) ။
ဒါဖြင့် အလကားနေရင်း ဆုတောင်းရုံနဲ့ တောင်းနေတဲ့ပုဂ္ဂိုလ်တော့ မရနိုင်ဘူး၊ သူ့မှာ တူးမှမတူးပဲနဲ့ ရပါ့မလား၊ ( မရပါဘူး ) ခင်ဗျားတို့က တူရွှင်းလဲမကိုင်ဘူး၊ ပေါက်ပြားလဲမကိုင်ဘူး၊ ဂူပေါက်ကြီးပေါ်စေသ တည်း၊ ငါပုန်းအောင်းရာ ဂူပေါက်ကြီး ပေါ်စေသတည်းဆိုလို့ ရမလား၊ မရဘူးလား...( မရပါဘူး ) ။
အဲ...နိဗ္ဗာန်ဟာ ဒီလိုလုပ်လို့မရဘူး၊ ဒါနနဲ့ ပြုလိုက်တဲ့သီလနဲ့ပြုလိုက်တဲ့ သီလနဲ့ ပြုလိုက်၊ ၀ိပဿနာ ပြုလိုက်၊ ပြုလိုက်တော့မှ ပေါ်လာတာ ( မှန်ပါ ) ။
ပေါ်လာပေမယ့်လဲ ပြုတာက သင်္ခတ ၊ ပေါ်လာတာက ( အသင်္ခတပါဘုရား ) ။
အဲဒါကြောင့် သင်္ခတတရားကို အားထုတ်လုပ်ငြားသော်လဲ အားထုတ်တော့ အားထုတ်တာပဲ ၊ ပေါ် တော့အသင်္ခတပေါ်တယ် ( မှန်ပါ ) ။
ပေါ်တော့..( အသင်္ခတပေါ်ပါတယ် ) ပြုလုပ်တော့ဘာနဲ့ ပြုလုပ်သလဲ..( သင်္ခတတရားနဲ့ ပြုလုပ်ပါ တယ် ) သို့သော် သင်္ခတတရားအရိပ်နိမိတ် ဒီအထဲပါရဲ့ လား ( မပါ ပါဘူး ) ။
မပါဘူးတဲ့၊ ဂူကြီးမှာ နဂိုကကျောက်တွေမှ မပါတော့ပဲ ဟာလာဟင်းလင်းကြီး ဖြစ်နေတယ် ( မှန်ပါ )၊ ပါသေးရဲ့ လား ...( မပါ ပါဘူး ) ၊ သံတူးရွှင်းတွေကော ပါသေးရဲ့ လား... ( မပါ ပါဘူး )၊ ပုန်းအောင်းရာတစ်ခု ပဲ ပါနေတယ် ( မှန်ပါ ) ရှင်းပြီလား...( ရှင်းပါပြီ ) ။
ဒါဖြင့် ဘုရားသခင် ကိုယ်တော်မြတ်ကြီးဟောတဲ့ သင်္ခတာဓမ္မာနဲ့ အသင်္ခတာဓမ္မာလဲ ရှင်းသွားပြီ ၊ သင်္ခတာ ဓမ္မာဆိုတာက ခင်ဗျားတို့ ပြုပြင်လို့ပေါ်တဲ့ ရုပ်နာမ်ဓမ္မတွေကို ဘာခေါ်ကြမလဲ...( သင်္ခတာ ဓမ္မပါ ) ၊ အသင်္ခတာ ဓမ္မာဆိုတာ ဘယ်သူမှ မပြုပြင်ဘဲနဲ့ ပေါ်လာတဲ့ ဓမ္မပုန်းအောင်းရား ဌာနကြီးကို အသင်္ခတာဓမ္မာ လို့ ခေါ်ပါတယ် ၊ ( မှန်ပါ )၊ အလိုလိုပေါ်သလားလို့ မေးပြန်တော့လဲ သင်္ခတနဲ့ တူးမှ ပေါ်တာ ( မှန်ပါ )၊ သင်္ခတ က ဒီအထဲဝင်သေးသလားလို့ မေးပြန်တော့လဲ ( မ၀င်ရပါဘူးဘုရား ) မ၀င်ဖူးဆိုတော့ ၊ သြော် နိဗ္ဗာန်ဆိုတာ ဒါကြောင့် နက်နဲတယ်လို့ပြောတာ ( မှန်ပါ ) အသိအင်မတန် ခက်တယ်ဆိုတာ မပေါ်လာဘူးလား ( ပေါ်လာပါ တယ် ) ။
လောကီ ဥပမာ ဘုန်းကြီးတစ်ခု ပြောလိုက်အုံးမယ် ၊ တမာပင်ဆိုတဲ့ဥစ္စာ ဘယ်အရပ်မှာ မဆိုရှိကြတယ်၊ တမာပင်ပေါ်မှာ သဇင်ပန်းပေါက်တယ်လို့ - ထားပါတော့နော် ( မှန်ပါ ) ၊ တမာပင်က ခါးလိုက်တာ နံလိုက်တာ ( မှန်ပါ ) ၊ သဇင်ပန်းကတော့ မွှေးလိုက်တာ ကြိုင်နေတာပဲ ( မှန်ပါ )၊ တူရဲ့ လား ( မတူပါဘူး )၊ တမာပင်ပေါ် ပေါက်ငြားသော်လဲ တမာပင်ရဲ့  အရိပ်အငွေ့ ပါရဲ့ လား ( မပါ ပါဘူး ) ။
ဒီအထဲမှာလဲ သင်္ခတတွေနဲ့ ပြုလုပ်ငြားသောလဲ ပုန်းအောင်းရာဖြစ်တဲ့ နိဗ္ဗာန်ကြီး ဒုက္ခချုပ်တဲ့ အသေ လွတ်တဲ နိဗ္ဗာန်ကြီးဟာ သင်္ခတနဲ့ လုံးဝမတူဘူးတဲ့၊ ( မှန်ပါ ) တမာပင်နဲ့ သဇင်ပန်းမတူသလိုဘဲ ..( မှန်လှပါ )၊ ရှင်းပြီလား ၊ ( ရှင်းပါပြီ ) ။
ဒီမှာလဲ ဒါနသီလ သမထ၀ိပဿနာနဲ့ နိဗ္ဗာန်ကြီးဟာ မတူဘူးပဲ ( မှန်ပါ )၊ ဦးဘသန်းကြီးတူရဲ့ လား ... ( မတူပါဘူး ) ။
သူက ပုန်းအောင်းရာတစ်ခု ပေါ်လာတာကိုး၊ မဟုတ်ဘူးလား ( မှန်ပါ ) ဟိုက အားစိုက်ရာ၊ သူက အားမစိုက်ဘဲနဲ့ ပေါ်နေတယ် ( မှန်ပါ ) ။
ဒါဖြင့် နိဗ္ဗာန်ဆိုတဲ့ တရားသည်ကားလို့ဆိုရင်ဖြင့် အသင်္ခတတရားဆိုတာလဲ ရိပ်မိကြပြီ ( မှန်ပါ )၊ ပုန်းအောင်းရာကော ကိုယ်တူးမှ ကိုယ်ရတယ်ဆိုတာကော...( သိပါပြီဘုရား )၊ သိတော့ကို အလုပ်မလုပ်တဲ့ ၊ ပုဂ္ဂိုလ်များမှာ ရနိုင်ပါ့မလားလို့ ဦးကျော်မောင်တို့ ၊ ဦးမြမောင်တို့၊ ဦးဘသန်းတို့ မေးရင် ဘယ့်နှယ့်ဖြေမလဲ ... ( မရနိုင်ပါဘုရား ) ။
ဒါကြောင့် ဘုန်းကြီးက ဆုတောင်းနေနဲ့ လုပ်ယူကြ၊ ဆုတောင်းမနေနဲ့ လုပ်ယူကြလို့ ပြောတာ...( မှန် ပါ ) မပြောထိုက်ဘူးလား (ပြောထိုက်ပါတယ်ဘုရား ) ။
ကျောက်တောင်ကြီးကိုအားထုတ်တူးမှသာလျှင် ပုန်းအောင်းရာဖြစ်မှာပေါ့ ( မှန်ပါ )၊ အားထုတ်မတူး တဲ့ ပုဂ္ဂိုလ်ပုန်းအောင်းရာ ...( မရနိုင်ပါဘူးဘုရား ) သဘောကျပြီလား ...( ကျပါပြီ ) ။
ဘုရားသခင် ကိုယ်တော်မြတ်ကြီး ပါရမီဆယ်ပါး အပြားသုံးဆယ်တွေ စုံနေပြီ ( မှန်ပါ )၊ ဗောဓိပင်နဲ့ ရွှေပလ္လင်ကျမှ မဂ္ဂင်အလုပ်ကို မလုပ်သေးခင် နိဗ္ဗာန်ကို မရသေးဘူး ( မှန်ပါ ) တူးမှ မတူးသေးဘဲ ( မှန်ပါ ) ။
အဲဒါကြောင့် ဟိုဟာတွေက အခြံအရံအကြောင်းပဲ ဖြစ်တယ်၊ တကယ်ကျတော့ မဂ္ဂင်နဲ့ တူးဆွမှ .... ( ရမှာပါဘုရား ) ၊ ပုန်းအောင်းရာပေါ်လာမယ် ( မှန်ပါ ) သဘောကျပြီလား ( ကျပါပြီ ) ။
ဒါဖြင့် တို့လုပ်နေတဲ့ အလုပ်ဟာဖြင့် ကိုယ်ပုန်းအောင်းရာ ကိုယ်ရှာတဲ့ဥစ္စာကိုယ့်အိုဘေး၊ နာဘေး ၊ သေဘေးတွေဟာ ဒီအထဲရောက်လို့ရှိရင် မသေတော့ဘူး ( မှန်ပါ ) ၊ မအိုတော့ဘူး၊ မနာတော့ဘူး၊ မသေ တော့ဘူး၊ ဒုက္ခချုပ်တဲ့ နေရာမှ ...( မှန်ပါ ) ။
ဒါဖြင့်ကိုယ့်အရေးကိုယ်ကြီးပြီး လုပ်ကိုင်မလုပ်ကိုင်...( လုပ်ကိုင်ပါတယ်ဘုရား ) ပေါ်ကြပြီလား .... ( ပေါ်ပါပြီ ) ။
ဒါဖြင့် ဒီအရေးသည်ကားလို့ဆိုရင်တစ်သံသရာလုံး ဒီလိုကူးရတယ် ၊ ဆွရတယ်ဆိုတဲ့ ဥစ္စာခင်ဗျားတို့ မသိတော့ကို ဘယ်တော့မှ ဒီလိုတူးဖြစ်မှာမဟုတ်ဘူး၊ ( မှန်ပါ ) ဘယ်တော့မှလဲ မဆွမိဘူး၊ ဘယ်တော့မှလဲ ကိုယ့်ပုန်းအောင်းရာ မရှာမိဘူး၊ ( မှန်ပါ ) လူ့ပြည်အသက်တိုတယ်၊ နတ်ပြည်ရှည်တယ်ဆိုပြီး ၊ ဟိုသေမဆုံး ဆီချည်းသွားတူးကြတယ် ။ မဟုတ်ဘူးလား ..( မှန်လှပါ ) ။ နတ်ပြည်အသက်တိုတယ် ဗြဟ္မာပြည်အသက် ရှည်တယ်ဆိုပြီး ခင်ဗျားတို့က အသေလွတ်ရှာငြားသောလဲ အသေချည့်ပဲပြန်ရတယ် ( မှန်ပါ ) မရဘူးလား ( ရပါတယ်ဘုရား ) ဒါဘယ့်နှယ်ကြောင့်တုံးဆိုလို့ရှိရင်ဖြင့် လမ်းမမှန်လို့ ( မှန်ပါ )၊ ပေါ်ပြီလား..( ပေါ်ပါပြီ ) ၊ အခုတော့ လမ်းမှန်ပြီလား...( မှန်ပါပြီ ) ။
ရှုပါများတော့ ဒါချုပ်သွားမလား မသွားဘူးလား၊ ( ချုပ်သွားပါတယ် ) ချုပ်သွားလို့ရှိရင် ဒါအသေလွတ် ဟုတ်မဟုတ်...( ဟုတ်ပါတယ်ဘုရား ) ဒါတွေက နဂိုကဖြစ်ပျက်ဆိုတာ အသေတွေကို ၂ - နံပါတ်ဟာလေ ..( မှန်ပါ ) အခုတော့ရှိသေးရဲ့ လား ...( မရှိပါဘူး )၊ မဂ်ဆိုတာတော့ ခင်ဗျားတို့၏ ဒါပုန်းအောင်းရာ အသေလွတ်နေရာ တို့ နေရာဘဲဆိုတာ ဖြစ်သွားတယ်၊ မဖြစ်သေးဘူးလား.( ဖြစ်ပါတယ် ဘုရား ) ပေါ်ကြပြီလား ...( ပေါ်ပါပြီ ) ။
ဒါဖြင့် ကြိုးစားလုပ်မှ ဒီဟာပေါ်မယ် ( မှန်ပါ ) သူမပေါ်သေးလို့ရှိရင် ကိုယ်ပုန်းအောင်းရာ လဲလျောင်းရာ ကာကွယ်ရေး မရှိသေးဘူးလို့သာ မှတ်လိုက် ( မှန်ပါ ) ။
အအို၊ အနာ ၊ အသေ ကာကွယ်ရေး ( မရှိသေးပါ )၊ မရှိသေးဘူးသာ သေသေချာချာ မှတ်တော့ သြော်...၀ိပဿနာအလုပ်ဆိုတာ ဘာပါလိမ့်မတုံးဆိုတော့ ကိုယ်ပုန်းအောင်းရာ ကိုယ်တူးဆွပြီးသကာလ ကိုယ့်အရေးရှိတဲ့အခါ ကိုယ်အောင်းဖို့ပါကလား၊ ဒီ့ပြင်အလုပ် မလုပ်ပါလား ...( မှန်ပါ )၊ သားရေးလဲ မဟုတ် ဘူး ၊ သမီးရေးလဲမဟုတ်ဘူး ၊ ပစ္စည်းရေးကော ( မဟုတ်ပါဘူး ) ။
အဲဒါတွေကကော အသေလွတ်ရှာငြားသော်လဲ အသေဘဲ တွေ့တယ် ( မှန်ပါ )၊ အခုဟာကတော့ အသေလွတ်ရှာလို့ အသေတွေ့တယ် ( မှန်ပါ ) သဘောပါပြီလား ( ပါ ပါပြီ )။
အဲဒါကြောင့် အားထုတ်တဲ့ ကျေးဇူး နိဗ္ဗာန်လဲသိသွားပြီ၊ အားထုတ်မှလဲ ရတယ်ဆိုတာ ပေါ်သွားတဲ့ အတွက် ခင်ဗျားတို့ကို စိတ္တာနုပဿနာကို မြင်အောင်ကြည့်၊ မုန်းအောင်လဲကြည့်၊ ဆုံး အောင်လဲကြည့်...( မှန်ပါ ) ၊ ဆုံးတော့ ဒါတွေရှိသေးရဲ့ လား ( မရှိပါဘူး )၊ ဒါတွေမရှိတော့၊ ဒါဟာဒုက္ခ နိရောဓော နိဗ္ဗာန်ဘဲ ( မှန် ပါ )၊ ဟိုဘက်ကလဲ မဂ်ဝင်သွားတော့ တဏှာနိရောဓော နိဗ္ဗာန်ပဲ ( မှန်ပါ ) ။
ဒီဘက်ကလဲ ဒုက္ခနိရောဓော ( နိဗ္ဗာန်ပါ )၊ ဒါက သဥပါဒိသေသနိဗ္ဗာန်၊ ၂ - နံပါတ် ချုပ်သွားတာ သဥ ပါဒိသေသ ( မှန်ပါ ) ၊ ၄ - နံပါတ်ချုပ်သွားတာ အနုပါဒိသေသနိဗ္ဗာန်၊ ခန္ဓာဆုံးတော့မှ သူကရတယ် ( မှန်ပါ )။
သူက ခန္ဓာရှိတုန်းမြင်ရမယ် ၊ နိဗ္ဗာန်၊ ဒါကတော့ ခန္ဓာဆုံးမှရမယ်၊ ၄ - နံပါတ်က ...( မှန်ပါ )၊ ပေါ်ပြီ လား..( ပေါ်ပါပြီ ဘုရား ) ။
ကဲ ... ဒီနေ့ ဒီတွင် တော်ကြဦးစို့ ... ။
သာဓု ... သာဓု ... သာဓု ... ။
